Popular Bible Verses from ᐁᑭᓴᑕᔅ 8

Share

ᒣᒫᑖᐎᓯᓂᒡ ᐃᑕᔥ ᐅᑖᓇᑮ ᑯᒋᑑᓂ ᒋᒫᒪᑳᒋᒋᑫᓂᒡ ᐁᐐ ᐲᓈᓂᒡ ᐱᑯᒌᓭᓴᐞ, ᑳᐐᓐ ᐃᑕᔥ ᐅᑮ ᑲᔥᑭᑑᓰᓂ᙮ ᒥᓯᐌ ᓴ ᑯ ᑮᐊᔮᐗᐞ ᐱᑯᒌᓭᓴᐞ ᐯᒫᑎᓯᓂᒡ ᑳᐃᔑᐊᔮᓂᒡ, ᐊᔭᐋᐎᔑᑳᕽ ᑲᔦ᙮ ᒦᑕᔥ ᐃᑭ ᒣᒫᑖᐎᓯᐙᒡ ᑳᐃᓈᐙᒡ ᐯᕒᐆᓐ Pharaoh , ᒦᐅᔕᐅᐌᓂ ᑭᔐᒪᓂᑑ ᐅᑎᔑᒋᑫᐎᓐ, ᐅᑮᐃᓈᐙᓐ᙮ ᒦᑕᔥ ᐋᒋᑯ ᐯᕒᐆ ᑳᑮ ᐊᓂ ᔕᔒᐱᑕᕽ, ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᒪᔮ ᐁᑮ ᐃᔑᓭᓂᒃ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮

ᑳᑎᐯᒋᑫᓂᒡ ᐃᑕᔥ ᒨᓯᔅ Moses ᐅᑮᐃᑰᓐ, ᐊᑕ ᐙᐸᒻ ᐯᕒᐆ Pharaoh ᐅᐅ ᒋᐃᓇᒡ, ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᐊᐎ ᐊᓇᒥᐁᑕᐎᐙᒡ᙮

ᐊᐲ ᑕᔥ ᐯᕒᐆ ᐁᐙᐸᑕᕽ ᐅᒪᑲᑮᐞ ᐁᓂᐳᓂᒡ, ᒦ ᐃ ᐋᒌᑫ ᑳᑮ ᐊᓂ ᔕᔒᐱᑕᕽ ᐁᑮ ᐱᓯᑕᐙᓯᒃ ᒨᓯᓲᓐ, ᐁᕒᐊᓅᓐ ᑲᔦ, ᐁᑮ ᐃᔑᓭᓂᒃ ᒪᔮ ᑳᑮ ᐃᑭᑐᓂᒡ ᑳᑎᐯᒋᑫᓂᒡ᙮

ᑮᔥᐱᓐ ᐃᑕᔥ ᐃᓀᑕᓯᐗᓐ ᐃᐃ ᒋᐃᔑᒋᑫᔭᓐ, ᒦ ᓴ ᐃ ᑫᑑᑕᒫᓐ ᑭᑕᑮᒻ ᒥᓯᐌ ᒋᐊᔮᐙᒡ ᐅᒪᑲᑮᒃ ᑫᐊᐲᒋ ᓴᓇᑳᑯᓂᓈᓐ᙮

ᒦᑕᔥ ᑳᑎᐯᒋᑫᓂᒡ ᒨᓯᔅ Moses ᑳᐃᑯᒡ, ᑲᓅᔥ ᐁᕒᐊᓐ Aaron ᒋᓃᒫᑯᓇᕽ ᐅᓴᑲᐅᓈᒃ, ᒋᐸᑭᑌᐊᕽ ᐃᑕᔥ ᑳᐹᔥᑭᓀᓭᓂᒃ ᐊᑭ, ᒦᑕᔥ ᐃᐃᒫ ᑫᐅᒌᓂᒡ ᐱᑯᒌᓭᓴᐞ ᒥᓯᐌ ᑫᐊᔮᓂᒡ ᐄᒋᐸᑮᕽ Egypt , ᐅᑮᐃᑰᓐ᙮

ᒦᑕᔥ ᑳᑎᐯᒋᑫᒡ ᑳᐃᔑᒋᑫᒡ᙮ ᐐᑫ ᓴ ᑮᐹᑏᓄᐗᐞ ᐆᒌᓴᐞ ᑳᑮ ᐸᑲᒥ ᐊᔮᓂᒡ ᐯᕒᐆ ᐅᐙᑳᐃᑲᓂᕽ, ᐅᐙᑳᐃᑲᓂᓃᕽ ᑲᔦ ᐅᑖᓂᑫᐎᑭᒫᒪᐞ᙮ ᐐᑫ ᓴ ᒥᓯᐌ ᑮᓂᔑᐗᓈᓯᓈᑾᓐ ᐋᓃᔥ ᒥᓯᐌ ᑮᐊᔮᐗᐞ ᐆᒌᓴᐞ ᐃᐃᒫ ᐄᒋᐸᑮᕽ᙮