Popular Bible Verses from ᐁᑭᓴᑕᔅ 32

Share

ᐊᐲ ᑕᔥ ᐃᔅᕒᐃᔭᓬᐊᒃ Israel ᐁᑮ ᐙᐸᑕᒧᐙᒡ ᐁᑮ ᑆᑕᐎ ᓃᓴᒋᐌᓂᒡ ᒨᓯᓲᓐ Moses ᐃᐃᒫ ᑭᒋ ᐗᒌᕽ, ᐅᑮ ᒫᒪᐎ ᓈᓯᑲᐙᐙᓐ ᐁᕒᐊᓅᓐ Aaron ᐁᑮᐃᓈᐙᒡ, ᑕᑲ ᐊᐯ ᐅᔑᑕᒪᐎᔑᓈᒻ ᒪᓂᑑᒃ ᑫᓃᑳᓃᑕᒪᐎᓇᒀ᙮ ᐃᓇᔥᑫ ᑕᔥ ᐊᐊ ᒨᓯᔅ ᑳᐃᒋᑲᓂᐎᒡ, ᑳᑮ ᓵᑭᒋᐎᓂᓇᑭᒡ ᐌᑎ ᐄᒋᐸᑮᕽ Egypt , ᑳᐐᓐ ᓂᑭᑫᓂᒫᓯᐙᓈᓐ ᓇᒪᓐᒡ ᐄᑐᒃ ᑳᐃᔑᓭᑴᓐ, ᐅᑮᐃᓈᐙᓐ᙮

ᑳᑎᐯᒋᑫᓂᒡ ᐃᑕᔥ ᒨᓯᔅ ᐅᑮᐃᑰᓐ, ᔐᒫᒃ ᓃᓵᒪᒋᐌᓐ, ᐊᑕ ᐙᐸᒻ ᑭᐱᒫᑎᓰᒪᒃ ᑳᑮ ᓵᑭᒋᐎᓇᑣ ᐌᑎ ᐄᒋᐸᑮᕽ᙮ ᐋᔕ ᐅᔕ ᓂᔑᐗᓈᑕᑲᒥᑭᓯᐗᒃ᙮ ᐁᑕᑕᐌ ᐐᐸ ᐅᓇᑲᑖᓈᐙ ᐃᐃᐌ ᓇᑫ ᑳᑮ ᐃᓇᒀᐸᓐ ᒋᐃᔑᒋᑫᐙᒡ᙮ ᐅᓵᐎ ᔔᓂᔮ ᐙᐱᑯᕽ ᐁᑮ ᐅᒋ ᐅᔑᑕᒫᓱᐙᒡ ᐋᐯ ᐱᔑᑮᓴᓐ, ᒦᐗᓐ ᓴ ᐃᓂ ᑳᐊᓇᒥᐁᑕᐙᐙᒡ, ᑳᐸᑭᑎᓈᓲᑕᐙᐙᒡ ᑲᔦ᙮ ᒦᑕᔥ ᑲᔦ ᐁᑭᑐᐙᒡ, ᐃᔅᕒᐃᔭᓬᐊᒃ ᒦ ᓴ ᐗᐊ ᑭᒪᓂᑑᒥᓈᓐ ᑳᑮ ᓵᑭᒋᐎᓂᓇᕽ ᐌᑎ ᐄᒋᐸᑮᕽ᙮

ᐊᐲ ᓴ ᐁᕒᐊᓐ ᐁᑮ ᐙᐸᑕᕽ ᐅᐅ, ᒦ ᓴ ᐃ ᑳᐃᔑ ᐅᔑᑑᒡ ᑫᔑ ᐸᑭᑎᓈᓱᐎᓐᒡ ᐁᓈᓴᒥᑳᐸᐎᓂᒡ ᐃᓂ ᐋᐯ ᐱᔑᑮᑳᓇᓐ᙮ ᒦᔥ ᑳᐃᑭᑐᒡ, ᐙᐸᕽ ᓴ ᑕᐐᑾᑎᓈᓂᐗᓐ ᑫᐅᒋ ᑭᑌᓂᒥᓐᒡ ᑳᑎᐯᒋᑫᒡ᙮ ᐐᐸ ᑕᔥ ᑮᐗᓂᔥᑳᐗᒃ ᐁᐊᓂ ᐙᐸᓂᓂᒃ, ᐁᑮ ᐸᑭᑎᓈᓱᐙᒡ ᐁᑮ ᐊᒀᑭᔂᐙᒡ ᐊᔭᐋᐎᔕᐞ, ᐅᑮ ᐸᑭᑎᓈᓈᐙ ᑕᔥ ᑲᔦ ᒥᓄ ᐐᒌᑎᐎ ᐸᑭᑎᓈᓱᐎᓇᓐ᙮ ᐯᒫᑎᓯᐙᒡ ᐃᑕᔥ ᑮᐅᓇᐱᐗᒃ ᐁᑮ ᐐᓯᓂᐙᒡ, ᐁᑮ ᒥᓂᑴᐙᒡ ᑲᔦ᙮ ᒦᑕᔥ ᑲᔦ ᑳᐃᔑ ᐱᔑᒀᑕᑲᒥᑭᓯᐙᒡ᙮

ᐁᐊᓂ ᐙᐸᓂᓂᒃ ᑕᔥ ᒨᓯᔅ ᐅᑮ ᐃᓈᐞ ᐯᒫᑎᓯᓂᒡ, ᑮᓇᐙ ᓴ ᐋᐱᒋ ᑭᑮ ᑭᒋ ᒪᒋᐃᔑᒋᑫᒻ ᐃᐃ ᑳᑮ ᒪᒋᑑᑕᒣᒃ᙮ ᓅᑯᒻ ᑕᔥ ᓂᐐ ᐊᑕ ᐙᐸᒫ ᑳᑎᐯᒋᑫᒡ, ᒫᑭᔖ ᓂᑲ ᐅᑎᓈᓐ ᑫᐅᒋ ᐴᓀᑕᒪᐎᓀᒃ ᐃᐃ ᑳᑮ ᐃᔑ ᒪᒋᑑᑕᒣᒃ᙮