Popular Bible Verses from 1 Korin 11

Share

E lamina fanganan a faxa'usi a vilaana aava nane fo vile sena bret e nane siak a lisa e a kuus, “A lisa aanabe' a turoxoian fa'ui aava ria iga a fakalimaane. La so ta yaan mi num lana, vile xena lamon fa'uliau.” La so ta yaan mi ngan a bret e mi num lana lisa mi taxa xuus a mu rabuna pana maatan sina Memai fefexaxaas a yaan ina filimaanan sina.

Ne fo fapiti nami pana mu vilaana aava Memai fo tavaiau pana: lana vung aava ri pet lisan na Memai Yesus nane siak a bret e a kuus faasiroxo xe sina Piran pana e mui a viaxe e a kuus, “A bret aanabe' ve a vipin siak xami. Vile malaanabe' xena lamon fa'uliau.”

E voxo a mu rabuna xapiak ri taa tiis a lamonan e vilaana siri xa paamua, e mui ri taa ngan a nebret e num lana lisa. Senaso nase' ta mataa a ngalngolan a malasuf ina vipin sina Memai layaan a ngan a bret e num lana lisa aave i taxa xel fasivi a tiisan sina Piran xe xuluna xa.

E voxo, nase' ta mataa i taa ngan a bret o num lana lisa sina Memai pana lalosaat la xunus ina, i taa vupuno senaso a bilai fasaat xasena vipin e ria i Memai.

Usi a vilaana siak malaan se' ne usi na Krais.