Popular Bible Verses from Rom 12

Share

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Ya eme aha nadu tine i san ta tikisiy tinan ta Kindrei, jo indrek aha katehei bada aha mari ki ndrabun, ki buku salom handru ki ta Kindrei kasekesek ta aliy. Idoh badeh, atudun handru ai.

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

Ou samukuni kandriyen ndra-in sasakalawi ou, ndri-iy; arile ou tihisi kandriyen ndra-in na kandriyen mwasin.

Ou aseken nadu tinem ari ari badu hawem handru. Ou sabudon ou le, arile ou anuhun sahou ta nadu tinem ari ari.

Ou badeh, leheya kandriyen ta tikisiy ki handru. Ou ruwani kandriyen ndra-in ta balik; ya ou tawi kandriyen mwasin kihis.

Ou samekes losen sala ta ari ndramak, ndri-iy; arile i buku winiyan eh, ou manyah amunum le ado hawe iri.

Aha kawas tek, aha samekes losen sala tiri, ndri-iy, arile aha katehei ki kani Kindrei kamekes, tasah sahou mene ndratorowenei tiye i buku doh: “Jo kameh atehei maha-an ili tiri, ma jo konohei saba kandriyen nane iri amekes.”

Ou saliliy ma ou sawoyah ta amekes lahou ta Laban. Arile ou alelei Malawin Ndrabun aseben ou amekes lahou le kili.

Tasah, Kindrei amekes mwasin eme tek, ma iy atehei kalem eme tek ta jo kamekes lahou tan, ya eme jo asehek nyala aha mari i buku doh: Aha satehei budon taha anya aha ndra ari ai, ndri-iy. Arile, aha kamekes budon taha kudu mwasin ta lomondra ki-in hamon ta boto-on ta budon handru ma ta ndramas Kindrei atehei ndrawek taha.

I buku none ari ndramak kamekes ndra-in kewek tam, ou satehei ndra-in sala bada ndra-in, ndri-iy. Ma ou badeh, madam kaleu ki doh, ki doh, ma ou amekes lahou badeh, kamekes ndrine lau mari kasekesek.

Ou manyah ado le, nono-ou ndri-iy hawe iri ari ari. Ou satudun ou, ndri-iy, arile ou amekes ou badeh, ala nah nadu bwisik ala hawe iri lau nyara iri bwe. Ya ou samekes ou anya ou tanan labai, ndri-iy.

Idoh handru, ya mwasin labai ta ou amekes i buku doh, “I buku none ndramak ta amekes bahun i tam kimeson badeh, ou anyohan iy na nyamon; Ma i buku none iy anyar ta gwa badeh, ou adeu gwa ki wa-in. I buku none ou amekes kandriyen mwasin doh i tan, ou kameh winiyan amekes bwilin ama ma tubuni kandriyen tan ndra-in doh iu.”

Are lau oro amekes maha-an ma isi i tam badeh, ou asolom ki ta Kindrei kanysowani oro le, ma iy sabokoro-ei oro. Are lau oro sekesek badeh, ou ala hawe oro, ado mari kasekesek; ya are lau oro taya ma tikisiy badeh, ou ala hawe oro taya ma tikisiy hawe oro.

Ou anyohan lakou ki toro lau ta Kindrei, i buku none oro andriliu ta lakou. Ma ou asumon iri lau badu heh, badu heh kawek asiu.

Taha ndratanan, bada taha ari ari badeh, ari buruwen, arile andran badeh, solo-an. Ya andran ari ari badeh, iy ari amekes lahou randrah labai ta ari ari. Ya eme taha badeh, i le buku aliy. Taha badeh, solo-an, arile taha asahan ari buruwen ahas hawe le Krais. Ma taha ari ari badeh, kaseben iri rayah ja.