Popular Bible Verses from Galesiya 5

Share

Arile, Malawin Ndrabun badeh, edeu kandriyen ta tikisiy, kandriyen ta sekesek, kandriyen ta amekes mondrei, kandriyen ta bohon bwe, kandriyen ta aseben, kandriyen mwasin hawe kandriyen ta amekes lahou mwasin ta budon tan handru, kandriyen ta ou amekes ou batudun ou bwe, ma hawe kandriyen ta budon tam winiyan bandra-i bwe. Ya eme ari batanau malen winiyan baturuki iri kandriyen doh bwe.

Eme ma, jo asehek i buku doh: Aha kalelei Malawin Ndrabun katondrok manyah ma kandriyen taha, ya, i buku aha amekes eh, aha winiyan ba-en hamon ta seken ta kandriyen ta bada aha ja bwe.

Malawin Ndrabun edeu kohan handru eme tataha; eme ma taha kalelei iy katondrok bolo tekedek tataha.

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

Kandriyen ta bada taha badeh, i buku doh: Kandriyen ta karei i buku mwi, kandriyen ndra-in ta sumukok; kandriyen ta adeu budon i ta sukumada kei i nyara Kindrei, ya kandriyen ta kau hawe omor lau; ya kandriyen ta budon ndra-in ta losen hawe sobobo; ya hawe kandriyen ta madalakis; hawe ndramak ndrinen ndra, ma hawe kandriyen ta ndrakok. Ya kandriyen ta amekes iri lau atalan, rayah ka len, ya rayah ka len; Iri kandriyen i buku madalakis ta lakou, ma hawe a-un gwa boto-on ta amekes lau abo lolo-ou, ma ta amekes lakou laleyah. Jo tiye sahou batanau i taha dah, i buku bwena jo ndrasehek taha: Oro are lau amekes kandriyen doh, winiyan bado bahandra tondrok ta Kindrei bwe.

Ya, aha nadu tine, aha ndrasahan mwasin, tasah Kindrei ndraluhi aha ndrame len ta batanau malen tiri Juwis. Arile, aha salelei kandriyen mwasin doh samesekei aha sa-en hamon ta budon ta bada aha badu munyak. Arile, kandriyen ta tikisiy badeh, kamesekei aha kaseben aha ari, ari.

Tasah, so-ok ma kandriyen ta bada taha i randrah labai, bala buku none so-ok ma kandriyen ta Malawin Ndrabun bwe. Uru ma la-uh doh winiyan badek se bwe. Eme ma, iri lakou aha anya kamekes, aha winiyan bamekes bwe.

Tasah, batanau malen mari eme bahandra batanau ari le: “Ou aseken iri lau ari ari badu hawem, i le buku ou aso-ok ou le.”

Taha sabudon anya taha ndra ari ai, bwe. Ma taha sasakalau ndramak ari ari, ma hawe mada taha salikis ndramak ari ja.

Taha ado mwasin na dah, tasah Krais kuhi taha, ado bahandra batanau malen ame len. Eme ya aha badeh, kabadok aha, ta aha sala bonyo-ou sala baha maha-an ta batanau malen ja.