Popular Bible Verses from 2 Tesalonaika 2

Share

Aha sanuhun lau rayah wendreya aha na sahou tiri, o, ta kandriyen rayah. Tasah, len ta Laban ta anya keme hamon doh badeh, winiyan basahan laleyah bwe. Ma bwena, lau solo-an kameh tebelese, ma adeu kona iri ili ta Kindrei, ma ndramak ari doh ta balik, iy ta amekes kandriyen ndra-in, ma iy banuhun sahou batanau bwe, iy kameh asahan eme lewan, ma iri lau kameh atanan iy amwenen. Hamon kameh ndramak doh andrakak udu bolo jih.

Arile, aha nadu tine aso mwan ma badih, Laban aso-ok aha labai, ma na len marakon, aso badeh, adeu wurah ili ta Kindrei ta aha. Tasah, ma bwena handru, Kindrei ndratanan aha kameh ta ame hamon. Malawin Ndrabun badeh, ndraleheyani aha ndrala ta Kindrei, ma aha atehei budon taha in ta sahou handru. Ma ta kandriyen doh le, Kindrei andrei aha ame hamon.

Iy kameh amekes bahun ili tiri budon solo-an ta lau badu kon munyak a-en hamon ta aliy, ma iy aseken iri katudun iy buku Kindrei. Ma iy ale kameh atudun nyaran amwenen, ma tubuloh budon tiri lau rayah. Eme ma, iy kameh ili manyah udu bolo asiu ndrabun ta Kindrei, ma iy kameh asehek sahou i buku doh: “Jo amwenen, jo Kindrei.”

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin. Eme ma, aso asolom, ta iy katadau ndrine aha hawe koha aha kabadok, ma kaseben aha ta amekes iri kandriyen mwasin, ma asehek sahou mwasin.

Eme ma, Kindrei kameh atehei boto-on ta wendreya ili tiri, ma iri kameh atehei budon tiri in ta sahou wasai.

Tasah, ndramak ta amekes kandriyen ndra-in ma ta tebelese sahou batanau kameh eme hawe boto-on ta balik le. Ma, na boto-on ta balik le, iy kameh amekes iri gok marakon boto-on ma kalem solo-an ta wendreya. Ta kandriyen solo-an doh, iy kameh wendreya iri lau ta ala bolo jih ta andrakak au. Buku iri lau doh mene aso-ok ma anya kanuhun sahou handru, badeh kameh Kindrei winiyan akohok iri ame hamon. Arile, iri baso-ok bwe.

Ya, aha ndratanan kandriyen dah, ta tebelese sahou batanau badeh, udu aliy, ma asahan amunum, amunum le eme loken. Arile, basahan bala tinan bwe le, ma iy kameh udu le buku doh, winiya le len ta lakou doh nane turuki san ta ndramak ndra-in, Kindrei le ari kameh winiyan aruwi ma andrei lakou doh iu ili len.