Popular Bible Verses from Lomu 4

Share

Agaemo Gotiʼa huʼniya polomasi geeʼmo, hisifi osisifi, huno lole agesamo oʼafiʼniye. Haʼao, agesamo afino fatago huʼniya kavaʼamoʼmo lokiya vaino ateʼnigenoʼaeʼmo agaemo Gotiʼmo ala agiʼamo amiʼniye. Agaemo Gotiʼa, huguve, huno huʼniya polomasi geeʼmo lokiya vaino magoke agesamo afiʼnenoʼaeʼmo, ani kavaʼmo afaʼa hugiye, huno huʼniye.

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Muki nofi vayaʼai apakinago afoʼapimoʼmo aliʼna afole aiʼna kateʼnove, huno hu maleʼniye. Ani gemo huno hu maleʼniya afinaʼmo Goti aulagaleʼmo Emalehamuʼa mukiʼamogita afotimoʼmo afole aiʼniye. Agaemo Gotifeʼmo agesamo afino fatago huʼnenoʼaeʼmo faliʼnaya vayaʼmo alino he tino apatege ohaneʼniya yafeʼmo, haneʼniye, huno huge nehiya Gotifeʼmo agesamo afino fatago huʼniye.

Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.

Emalehamuʼa afole aisiya kaʼmo oʼageʼniyaʼmonanafa agesamo afino fatago huteno avayagunagu huno agava maiʼniyaʼmofeʼmo Gotiʼa, muki asole kaginago vayaʼmo maigae, huno ha paiʼniya gemo afole aiʼnigeno muki nofi vayaʼai afoʼapimoʼmo ha maleʼniye.

Ani kavaʼmo haneʼniyaʼmofeʼmo muki aginago vayaʼmogimo uʼa haiʼa me otaleʼa alagi uʼa haiʼa hapaiteʼa polomasi gemo hu maleʼniya yaʼmo alisayafeʼmo fikumo hapa maeno neʼapamiyanageʼa apakesamo afiʼa fatago nehaya vayaʼmogi aligae. Yu nofi aginago vayaʼamogigeʼmo oʼaligafa Emalehamuʼa huʼniya kava huʼa apakesamo afiʼa fatago nehaya aginago vayaʼmogiʼeʼmo alisayafeʼmae. Agaemo mukiʼamogita afotimoʼmo maiʼniye.

ani geeʼmo hunoʼaeʼmo, Gotiʼa keʼaepa geʼamo amagiʼa neʼatalaya hosu kavaʼapimo alino atalege hosu kavaʼapimo aeno ati kaege huʼnisiya vayaʼmo aulena vayaʼmo maiʼnae. Ala kava neʼmoʼa hosu kavaʼmo anonaʼapilefeʼmo oʼapamiʼnisiya vayaʼmo aulena vayaʼmo maiʼnae huno huʼniye.

Goti mukufiʼmo avoʼmo kae maleʼniya gemoʼa na kava huʼniye, huno huʼniye. Ani gemoʼa hunoʼaeʼmo, Emalehamuʼa Goti geʼaeʼmo agesamo afino fatago huʼnigeno Gotiʼa fatago kavaʼamo amiʼniye, huno huʼniye.