Popular Bible Verses from Omataiya 1

Share

Oʼmaigayaʼmonanafa Saiyoni avefiʼmo maiʼnaya vayaʼnimogimo faiʼa kasalo paegae. Yekopu nofi vayaʼmogi aote fatago kavaʼmo huteʼa apakaiʼapi yaʼmo aligae.

Ala kava neʼmoʼna afinaʼmo ago eno hogo huʼniye. Ani afinaʼmo muki nofi vayaʼmo agoti huʼna apategauve. Inomi vayaʼmogitapae, huʼna, Lapakaemo apakaetegamo hosu kavaʼmo huʼnaya agufa kavaʼmo huʼa lapakaetegamo hosu kavaʼmo hugae. Hosu kavaʼmo huʼnaya anonatapilefeʼmo hosu kavaʼmo hugae.

Lapakaemo himuʼnamu kavaʼmo hutetapa lapakufamo avalelita haiʼnaya kavatapimoʼmo humi lapateʼniye. Lapakaemo alopa taonitapileʼmo lokiya yafa kegiʼyamoʼmo faino vego huno lapateʼnigetapa anaga ave koteʼmo maiʼnetapa alopa yafa kapiʼmo fala kiʼnayaʼmofeʼmo lapakaemo lapaipafiʼmo hutapaeʼmo, Ina lagimo eʼa hai eʼa lavaleliʼuʼa lamiʼa aliʼa afepiʼmo lategae, hutapa nehae.

Lapakaemo muga anafilagamo hakikimogimo haleliʼa uʼa nehaiya agufa kava hutapa muga anafilagamo kanefiʼmogi folagapiʼmo noʼmo ki malegayaʼmonanafa nagaemo alagi heʼna lapavayu huliʼna emiʼnegauve. Ala kava neʼmo Gotiʼnamo mani gemo huʼnove.