Popular Bible Verses from Matiyu 10

Share

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Ma mopafiʼmo alagepa hutageʼmo maigune, huʼa apakesamo neʼafisaya vayaʼmo alagepa huʼa neʼmaiya kavaʼapimo alagi hano hugiye. Mago vayaʼmogimo nagiʼnilefeʼmo ma mopafiʼmo alagepa huʼa neʼmaiya kavaʼapimo atalesayana alagepa huʼa maisaya yaʼmo aligae.

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Mago vayaʼmogimo malipu yosaʼapimo aliʼa kofiliʼeʼa nakame huʼa noʼvisayana vayaʼnimo alagi maisaya agufa kavaʼmo huʼa oʼmaiʼnae.

Muki vayaʼai apaulagaleʼmo nagiʼnimo neʼaya vayaʼai apakiʼapimo kokuʼnapi Afoʼnimo aulagaleʼmo aegauve. Aegauvaʼmonanafa vayaʼai apaulagaleʼmo nagaefeʼmo huʼapaeʼmo, oʼageʼnona vekae, huʼa nehisaya vayaʼaifeʼmo kokuʼnapi Afoʼnimo aulagaleʼmo olapakeʼnova vayane, huʼna hapa paiguve.

Kaita hapauʼnisiya vayaʼmo alita hapagetapa apatege falisaya vayaʼmo alita he titapa apatege lepolosi kaitaʼmo hapauʼnisiya vayaʼmo alita hapageta apatege hosu apaune vayaʼmo alita hapafaita apatalege hulitapa viyo. Nagaemo fiku lapa maeʼna lapamiʼnova kava hutapa fiku hapa maeta apamiyo.

Lapakaemo asole nama anagaʼmo ago aeta apaka setapa maiʼnayaʼmofeʼmo koli osiyo.

Nagaefeʼmo hutapaeʼmo, muki vayaʼmo alagepa huʼa yuna heʼa magokepi lokaeʼa maisayafeʼmo emineʼniye, hutapa lapakesamo neʼafifiye. Haʼao, alagepa huʼa magokepi lokaeʼa maisayafeʼmo emiʼnoʼmeʼnofa kame huʼa apatesageʼa kame huʼa apatesageʼa huʼa maisayafeʼmo emiʼneʼnove.