Ala kava neʼmoʼa asole vayaʼaiteʼmo yagaino neʼapateya vekamoʼmo hunoʼaeʼmo, Mago vekamoʼmo hogote alagepa yaʼamo alopa moniletiʼmo miya nefaiya yaʼmo alino kesifiʼmo neʼmaleya kava huʼna nagaemo muki nofi vayapatiʼmo apavaleliʼneʼna aliʼna anupa huʼna apateteʼnaeʼmo apakaefeʼmo, lapakaemo nagaiʼni vayaʼmo maigae, huʼna hapa paiguve, huno huʼniye. Mago vekamoʼmo agaiʼa mafaʼnemoʼmo aliʼyaʼamo neʼaliya mafaʼnemo kayoʼmo oʼamino afaʼa agegeno neʼateya kava huʼna kayoʼmo oʼapamiʼna afaʼa apakegeʼna apategauve. Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.