Popular Bible Verses from Aiyeya 62

Share

Saiyoniyo, huʼna, Apakaemo kagaefeʼmo magoʼe huʼa anauʼamoʼmo ataleʼniya aʼmo maiʼniye, huʼa osugae. Haʼao, kagaefeʼmo saufa kagikamo Gotiʼa hauʼniya aʼmo maiʼniye, huʼa aege kagae mopaeʼmo saufa agimo veleʼmo maiʼniya agufa mopamo aepa vekamoʼa yagaiʼniya mopamo haneʼniye, huʼa aege hugae. Ala kava neʼmoʼa lusi kava huno amuse huno lapatesigeno mopatapimoʼa veleʼmo maiʼniya agufa kavaʼmo huʼa lapakaemo mopatapileʼmo maigae.

Yulusalemuo, huʼna nagaemo yafa lafi kegiyakaleʼmo kava yagaisaya vayaʼmo aliʼna apateʼnovanageʼa felugaʼe haniʼilagaʼeʼmo afaʼa oʼmaiʼa apake aigae. Lapakaemo Ala kava nefeʼmo ava gemo nehaya vayaʼmogitapamo afaʼa oʼmaitapa ge hiyo. Fiku yanageno maino haga legaiye. Agaefeʼmo keya aeta nunumuʼmo hume hume neʼvagenoʼaeʼmo agaemo Yulusalemu taonimo alino lokiya vaino atesigeʼa ma mopafi vayaʼmogimo taonimo agiʼaleʼmo aliʼa asaga huʼa ategae.

Lapakaemo Ala kava neʼmoʼna nayapiʼmo mago kini vekamo konali yaʼamo kakolitagana hutapa maigae.

Mago neya vekamoʼmo veʼeʼmo ohavaeʼniya aʼmafaʼnemo neʼaliya kava huʼa mafaʼnekamogimo kagaemo aligae. Aʼmo aliʼniya vekamoʼmo saufa aʼaeʼmo amogaga neʼaiya kava huno Gotitapimoʼmo lapakaefeʼmo amogaga aigiye.