Popular Bible Verses from Neniyo 9

Share

Nagaemo Ala kava neʼmo Gotiʼnimofeʼmo nunumu huʼna hosu kavatieʼmo aeʼna hakalo huʼnaeʼmo, O Ala kava nene, huʼna, kagaemo aeka apaka seʼnanageta kagaefeʼmo koli nehuna Gotigae, huʼna, muki afinaʼmo kagaefeʼmo hapau apayamopafiʼmo hapauge keʼaepa gekamo akame huge nehaya vayaʼeʼmo magokepi kotalakemo hu maleʼnana gekamo akame huka kahau huka neʼapatane.

O Gotiʼnimogae, huʼna, kagetafo huka afiyo. Kaulaga ageka ayakeka kagaika taonimo no atufaʼamo ago. Alagepa vayaʼmo maiʼnonaʼmofeʼmo kagaefeʼmo nunumuʼmo nosunanagi kahau huka neʼapatana kavakalefeʼmo nunumuʼmo nehune. O Ala kava nene, huʼna, afiyo. O Ala kava nene, huʼna, hosu kavatimo alika atalo. O Ala kava nene, huʼna, afiteka laha mao. Afaʼa oʼmaika kagaikalefeʼmo malage huka aliʼyaʼmo aliyo. Taoniʼe vayaʼeʼmo kagaika yaʼmo haneʼniyaʼmofeʼmae.

Afiteʼnaeʼmo Ala kava netegamo naipa nagesamo amiʼneʼna neʼyaʼmo oʼneʼna mo sige kogu kukenamo vaige laʼnefamo aliʼna falege huteʼna lokiya kava huʼna nunumuʼmo huʼna ge huʼnove.

Lagaemo kaiyafi oʼmaita kataleta uʼnonaʼmonanafa kahau huka lateteka hosu kavatimo alika ataleʼnane.

Mago sotafiʼmo agaemo asole vayaʼeʼmo kotalakemo hu malegaiye. Ani sotamo folagapiʼmo afumo amagiʼa ofalini amige alu ofalini amige nehaya kavaʼmo alino hano huno atalegaiye. Mago ami vayaʼmo alagi hosu faipa vayaʼmo afole aisageno kini vekaʼapimoʼa muki yaʼmo alagi alino hosu huno atalesigeno muki mopamo kaʼme kokana huno haneme haneme neʼvisigenoʼaeʼmo atupa afinaʼmo hosu kavaʼmo ani alino hosu huno atalesiya vekaleʼmo asagauno aigiye.