Popular Bible Verses from Neniyo 5

Share

Kagaemo kokuʼnapi Ala kava netegamo hosu kavaʼmo huka kagikaleʼmo alika asaga huka kateʼnane. Kagaemo aliteyo, huka hapa paiʼnanageʼa Ala kava neʼmo kapumo noʼafatiʼmo kumayaʼmo alini eʼa maleʼnaya kapufiʼmo kagaegi ala vayakagi aʼne anagakagi fikumo aliʼnana aʼne anagakagi hutapa ani kapufatiʼmo nofi alagafati aniʼmo neʼnae. Neʼnetapaeʼmo gotitapimogimo goliletinagi siluvaletinagi haesa aeniletinagi afa aeniletinagi yosaletinagi yafatetinagi huʼa alo huʼnaya gotigi apakiʼapileʼmo alitapa asaga huʼnae. Ani gotigimo apaulaga oʼagege gemo oʼafige apakesamo ohanege huʼniya gotigi apakiʼapileʼmo alika asaga huʼnanana kagae kavamusaʼmo ayapi aliteno afaʼa maisana kavateʼmo yagaino kateʼniya Goti agiʼaleʼmo alika asaga huka oʼateʼnane.

Ani gemo huno avoʼmo kaeʼniye. MENE MENE TEKEL UPHARSIN, huno avoʼmo kaeʼniye. Magoke magoke avoʼmo aepaʼamo haneʼniyana MENE gemo aepaʼamo Gotiʼa kagaemo na magi afinaʼmo yagaika apategapi huno lekana pai maleʼniyana hemenimo ago alino hano huno ataleʼniye. TEKEL gemo aepaʼamo haneʼniyana Gotiʼa kana yakamo asaino ageʼniyana metaleʼnane, huno ageʼniye. PERES gemo aepaʼamo haneʼniyana Gotiʼa yagaika apateʼnana vayapatiʼmo alino fako huno Mitiya vayaʼaitegamo apatege Pesiya vayaʼaitegamo apatege huʼniye, huno ha paiʼniye.