Popular Bible Verses from 1 Timotee 4

Share

Kɑpɛ riyɑ́ unyinɛ ukɛ́ pɔ́ lómiisɛ rɛ pɔ kɛwɑ̃́ ŋmɑ́nɛpi nnyɑ, ɑmɑ́ ɑ tíyɛsɛ mɛpɔ́wee mɛkɛ́ pɔ́ wɑisɛ uyɛ̃ kɛ Kirisi pikɔ́ ɑpi yɛ ḿ pɑílɛ̃ mpɔ́símɛ́ nɛ ipɔ́soi nɛ ńlɑ kɑɑ m mɑ́ nɛ mpɔ́fɑtɛnɛ nɛ mɛpɔ́kpɛrinkpɛ kucírɛ́ kɛ́mɛɛ.

Usoi un uipiŋɛ nɛ linyinɛ m mɑinsɛ, nkɑ́ripi kɑi kulɑ́ɑ mɑ́. Amɑ́ usoi un tinŋmɔ́ɔ́pú uu Uléécɑɑ likɔ́ wɑisɛ, ḿpɑ́ yo kɛ́mɛɛ kɑi yɛ yoriyɛ. Li yɛ nɛni mɛwee mmɛ́-i nfɑ́ɑ rɔ́ hɛlɛ nɛ mɑsí kɛpirɛ-pɔ.

A ripɔ́cúruu nɛ ipɔ́célɑɑ kɛcɑ́ɑ́ m pɑílɛ̃. A n ŋmɔ́ɔ́púlɛ̃ pɔn lɛ̃ nnɛ́í múílɛ̃ nɛ ɑsei, pɔn lɛ̃ n wɑ, pɔ pɛɛ ripɔ́cúruu nɛ pɛpɛɛ kutu pɔ́ n cɔ́lɛ̃ yoriyɛlɛ.

Uléécɑɑ Nfɑɑ yɛ símisilɛ cɑ́kɑ́-cɑ́kɑ́ rɛ ɑmúŋɛ́ tɔrɔɔ kɛ́mɛɛ, pisoi picɔ yɛ́ nfɑtɛnɛ kɛpirɛ ritɔ ɑpi ɑníri nnɔɔmɛ nɛ ɑicélɑɑ tiki.

Amɑ́ ɑ mɛkpurɛ isímɛ́ kɛ síniyɑhɑ ɑsi yɛ n símisi yɑrɛ siwómɛ́ kɛpirɛ ritɔ. A riŋmɔ́ɔ́pú ɑɑ yɛ Uléécɑɑ likɔ́ wɑisɛ.

Kɛ́ kɛlenɛ ń hɑpɔ, ɑ nɛ Nléécɑɑsimɛ́ pikɛɛ̃ pisoi kɛcɔpɛ nɛ ikɑri pikpɑ́sɛ nɛ mpicélɑɑ riŋmɔ́ɔ́pú.