Popular Bible Verses from Apocalipsis 22

Share

Litrapi A kalla­rig­sina i Z puchu­kag­sina, chasa­lla­ta nuka­mi kani kalla­rig i puchu­kag.

Iaia Jesusmi ni­ku: —Ari, ñami samukuni. Tukui­kuna alli­lla u mana alli­lla ruras­ka­kuna­ta­mi imasa chaias­ka­sina karag­samun­ga­pa kani.

Santu Ispí­ritu i Taita Dius­pa Ubijapa warmika ni­na­kumi: —Samui. Mai­kan uiagka nii­chi: —Samui. Mai­kan iaku­naiai iukag­kunaka, munas­paka samui­chi, dil­tudu­pa kaug­sai kara­diru iakuta mana ran­dis­pa­lla upiag­samun­ga­pa.

—Mai­kan­pas katan­ga­kunata Taita Dius­pa Ubijapa iawarpi tag­sag­sina rurag­kunaka, suma kaug­sai kara­diru sacha­manda­ta mikui pudin­ga­pa­mi kan­gi­chi. Taita Dius­pa iapa kuias­ka­mi kan­gi­chi. Cha­sa­manda kam­kunaka, chi alli pui­blu pungu­kunapi iai­kun­ga­pa­pas­mi pudin­ga­pa kan­gi­chi.

Iaia Jesusmi ni­ku: —Ñami samun­ga­pa kani. Santu Ispi­ri­tu­wa kai librupi willa­raias­kata uiaspa, chasa­lla­ta kaug­sag­kunaka, Taita Dius­pa iapa kuias­ka­mi ka­puan­kan­gi­chi.

Tutaka, chipi mana tian­ga­pa kan­chu. Chipi kaug­sag­kunaka, indi ñi sug rig­cha pun­cha­ia­chi­diru mana minis­tin­ga­pa kan­kuna­chu. Atun Taita Dius­mi pai­kunata pun­cha­ia­chig kan­ga­pa ka. Pai­kuna man­dan­ga­pa­mi kan­kuna, mai­tuku waranga waranga wata­kuna ialig­pi­pas.

Iaia Jesús, chasa willas­paka, ni­kumi: —Ari. Nukaka ñami samukuni. Chasa kachu. Samuilla, Iaia Jesús. Iaia Jesuspa suma kuiaipi tukui paipalla kag­kunata cha­ri­pua­chu.

Santu Ispi­ri­tu­wa kai librupi willa­raias­kata tukui uiag­kuna­taka kasa­mi nuka iuia­chii­ki­chita: mai­kan kai willa­raias­kapi mas iapag­pika, Taita Diuska kai librupi willa­raiaska llakii­kuna­ta­mi paita kacha­mun­ga­pa ka. Mai­kan­pas kai libru­pi Santu Ispi­ri­tu­wa willa­raias­kata anchu­chig­pika, Taita Diuska mana sakin­ga­pa kan­chu, dil­tudu­pa kaug­sai kara­diru sacha­manda­ta pai mikun­ga­pa. Chasaka, Taita Dius­pa­lla kag pui­blupi mana kaug­sag­rin­ga­pa pudin­ga­pa kan­chu. Chasa­man­da­mi kai librupi willa­raiá.