Popular Bible Verses from Santiago 1

Share

Taita­kuna i mama­kuna, kam­kunata achka lla­kii­kuna chaia­uraka, mana lla­kii­wa kag­sina suma alli iuia­chi­rii­wa kan­gi­chi, kasa iuia­rispa: kam­kuna Iaia Jesus­wa iuia­ri­na­kugta sug rig­cha iuiai­kuna chaia­kug­pika, chaian­mi, mana sam­ba­ias­pa­lla pai­lla­wa iuia­ri­kun­ga­pa, ima kag­pi­pas.

Mai­kan­pas, alli­lla iachaita mana iachas­paka, Taita Diusta mañai­chi. Chasaka chas­kin­kan­gi­chimi. Taita Diuska, tukui­kuna­ta­mi ima mañaska mana tupus­pa­lla kará, mana piña­ris­pa­lla.

Nuka­pa iapa kuiaska taita­kuna i mama­kuna, kasa uia­wai­chi: tukui kam­kuna, Dius­pa Rimaita alli­lla uian­gi­chi. Alli­manda iuia­rispa riman­gi­chi. Chasa­lla­ta, rabia chaia­ura, mana utka­lla rabia­rin­gi­chi.

Iaia Jesus­wa chasa iuia­ris­pa­lla mana sam­ba­ias­pa­lla kag­pika, iukan­gi­chimi tukui alli­lla iuiaipi kanga, ñi ima mana kunga­ris­pa­lla.

Dius­pa Rimaipi imasa willa­ra­ias­ka­sina ruran­gi­chi. Mana ianga uias­pa­lla kan­gi­chi. Ianga uias­pa­lla kag­kunaka, kikin­kuna­mi iuia­nakú: “Alli­lla­pi­mi kani”. Nig­pika, mana chasa kan­chu.

Jiru ruran­ga­pa iuiai­kuna cha­ia­uraka, mana chasa rurag­kunaka Taita Dius­pa iapa kuias­ka­mi kan­kan­gi­chi. Chi mana jiru rurag­kunaka, alli suma kaug­sai pri­miu­ta­mi chas­kig­rin­kan­gi­chi. Chi kaug­sai­taka, Taita Dius nirkami, paita kuiag­kunata karan­ga­pa.

Tukui suma iuiai­kuna i ima minis­tis­ka­kunata, Taita Dius­mi suma luar­manda karamú. Pai­mi ka tukui pun­cha­ia­chig­kunata rurag. Paika, ima­ura­pas pai­lla­mi ka; pun­cha­lla­mi ka.

Mai­kan Dius­pa Rimaita uias­pa­pas, mana chasa rurag­kunaka, paipa ñawi imasa kas­kata ispi­jupi kawa­rig­sina­mi kan­kuna. Chasa kawas­paka, kikinpa ñawi imasa kas­kata mana unai­lla­mi kunga­rin­kuna.

Taita Dius­pa ñawipi, mai­kan ima­pi­pas pai­wa suma iuia­rig­kuna, kasa ruras­pa­mi kaug­san­kuna: wag­chu­kunata i lla­kii­wa kag sapalla kidaska warmi­kunata tukuipi aidaspa; chasa­lla­ta, kai alpapi ima jiru rurai­kunata mana ima­pas ruras­pa­lla.

Mai­kan­ta­pas jiru ruran­ga­pa iuiai­kuna chaia­uraka, mana iuia­ri­ku­chu: “Taita Dius­mi chi jiru iuiaita iuia­chi­wa­ku”. Ñi pipas mana Taita Diusta iuia­chin­kuna­chu, jiru ruran­ga­pa. Chasa­lla­ta Taita Diuska, ñi pi­ta­pas mana iuia­chin­chu, jiru ruran­ga­pa. Chi jiru ruran­ga­pa iuiai­kuna­taka, tukui­kuna iukan­chimi nukan­chi kikinpa iuiai­lla­pi. Chasaka nukan­chita iuia­chispa, jiru rurai­ta­mi muna­chí.

Mai­kan­pas kam­pura­manda mana iukag kas­paka, alli iuia­chii­wa kachu. Pai­kuna­taka, Taita Dius kikin kawag suma­mi atun­ia­chin­ga­pa ka.