Popular Bible Verses from Rom 4

Share

Lunuunu ren goxo on basinge i, la neni bok goxo lox abulubun laxakaape at ne Moroa; ketla lunuunu ren ga suxa aumsu i mi lololos, la neni ga xip aurut laasen at ne Moroa. Neni ga doxoma rinotno i do ne Moroa ga epovo ri lok levempanga neni ga xaape min.

I ngan Lovoang Kaala i vaase i xeretna, “Ara lok li vam u ngan ne temen limixin keneng at laranep silok buaang.” Kuren la na laxakaape naba sorun ngan ne Moroa ga tong alii i la ne Abaram ga nuunu ren. Neni ne Moroa ik lox aroo luvuttadi basinge lanmet la mi levelinga mun teren neni ga rudum li levempanga goxovisi vot.

Moroa ga song araba i xusu naba met mumu laxakapmek atnedik, la ni ga roo xat amlong kusu ri lox asepmus dik.

Ga lolos aleng ti ne Abaram kusu na nuunu ap mo laxakaape at ne Moroa rin, ketla neni ga nuunu ren la gam doma voovo rin; kuren la neni ga ravasu ngan ne temen limixin at laranep silok buaang. I ngan Lovoang Kaala i vaase i xeretna, “Livipisik li ram naba umsu.”

Kuren la laxakaape at ne Moroa naba sorun mun mumu lunuunu, kusu ne Moroa na lox asuusu letaba nabalamu ren la laxakaape ren naba sorun ti livipisik li axap at ne Abaram kerekngan levelinga at ne Moroa ga tong i. Kopmen do tinedi xusuk di mumu asu Lenavolo, ketla tinedi bok di nuunu ngan ne Abaram, neni ne temen nedik axap di ruuna lunuunu.

“Luvukat tinedi ne Moroa ga domampe laxaloklok kakapmek atnedi, la neni gara sibo pe vam laxakapmek atnedi! La luvukat ti mo laradi, Leeme Silok noxo doma rinotno bok ba laxakapmek teren.”

Lovoang Kaala i vaase xeretna, “Abaram ga nuunu at ne Moroa, la at lunuunu mun teren la ne Moroa ga siam kaka i ngan laradi mokmokso.”