Popular Bible Verses from Metiu 26

Share

Mina reven tatao la mina ngising kusu mi noxo subu at loklok tong pen. Loroonan at laradi i epovo ri ronga res, ketla labantuxu ren i molos.”

La ni ga lok tidi, “Lorooro rak i umsu mi lainbulu silok mo na lox amer ia. Minak lok de la mina kuxut tooro ia.”

La ne Iesu ga vas silatla xakalik, la ni ga subu midi mi lumeren uto xopok at laxangka la ga sing ne Moroa xeretna, “Tamak. Kereva, i epovo do una lok pes na lumumuat basinge ia? Ketla nemen gat uta mumu asu lavavara rak, una mu asu lavavara ram.”

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Move diga anan la ne Iesu ga lok kaka loxongkide, ga tong avukat ti ne Moroa, ga sebex i la ga raba luvuttadi loklok ka anasa ren min la ga lok, “Mina lok kaka i na la mina anan i; labantuxu rak na.”

La neni ga lok kaka lakap inin, ga tong avukat ti ne Moroa, la ga raba di min la ga lok, “Nemi axap mina in at na.

La ne Iesu gamlong saparap luvuttadi loklok ka anasa ren la ga long lenget ka di, diga unga. La ni ga lok ti ne Pita, “Kereva, mixo epovo nap kip na lumumuat eburu minia at loxonaleng lixilik mun?

Nia a tong i rinimi do nia noxo in at lavaen i ru ka i lingina se ap mo laaleng nia aba in lavaen maxat eburu minimi ro xeneng at Linintoo at ne Tamak.”

La ne Pita ga doma su at levelinga at ne Iesu ga lok keretna, “Laxaxak kovisi noxo reng, la nenu uba sev apkap naba vantun do uxoklen ia.” La neni ga vas su ukamang la gang teng aleng.

Mina xatu. Ata vas tangarang na laradi boro it pas kusu nam taba minia ri limixin kapmek.”

La ne Iesu ga lok tin, “Lok li amlong lavarise sepsep taram mila nedi di sep limixin mi lemparise, diba met kuren.