Popular Bible Verses from Metiu 24

Share

Laxakapmek naba umsu, kuren la labalamu noxo nemen kantubu at limixin; ketla do tara na tu tuxuruxun at lunuunu ren se at laxavaxap ap mo levenmaares lolos, Moroa naba lox arooro i.

La dinaba tong asu Lagale Lavavang mumu Linintoo ngan lavapaase asu ri limixin at lengkot axap, la melemu ba ren laxavaxap at na lavatbung menemen naba vot.”

Miba ronga i do lara esep mo ik lok la lara esep bok ba vot, ketla nemen mita marat teren. Lempanga xerepmo naba vot ketla laxavaxap at na lavatbung menemen noxo vot ap mo levenaleng.

Limixin at levennep silok diba esep eburu mi limixin at levennep silok petpes; lavaorong silok at levennep diba esep mi lavaorong silok at levennep petpes. Lean kangking la levenangne naba vot at tengkot. Ana axav i naba ru katling lavakpaxaru kaxat ap mo levenmaares lolos.

Laxalibet mi lavatbung menemen naba sonao, ketla levelinga rak noxo xap.”

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Melemu limixin diba ranga alis nimi la dina lox asongot nimi la lentaba atnimi diba sev amet di la limixin at lengkot axap diba belemamao nimi mila nemi limixin tarak. Ap mo laaleng buaang limixin diba ke xepe lunuunu atdi la di noxo ebalamu ela la diba song araba di ri limixin kapmek; la buaang lavaeme vapaase alii xaxarang dinaba vot la diba sar asoogong buaang limixin.

La ne Iesu ga vorang i ridi xeretna, “Mina lok tatao avukat nimi kusu tara noxo xarang arup nimi mumu i na lempanga

Kuren la mina gagas avukat mila nenia, Laradi Mevana, anaba vot ap mo laaleng limixin di doxoma i do nenia a noxo vot teren.

Kuren la mina lok tatao avukat nimi mila kopmen minaklen i do at ua laaleng nenia, Leeme Silok atnimi, anabamlong teren.

La ne Iesu ga lok bok, “Kopmen tara naklen laaleng at lovotpot tarak; lubung angelo bok kopmen dinaklen i la nenia, ne Nitna bok kopmen anaklen i. Tamak kusuk mun iklen i.

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

At lovotpot at Laradi Mevana, loklok at limixin naba lok ngan loklok at limixin ap mo levenaleng at ne Noa. Ap mo levenaleng avot ti mo laran limixin diga anan la diga inin, lavatlok la lavakin diga vepot ga se at nom laaleng ne Noa ga beles ti lavattaaxup. Mo limixin kopmen di goxoklen i do laran mo naba vot, ketla ga rupot la ga sev amet axap nedi. Laaleng at lovotpot tarak, Laradi Mevana naba lok kuren.