Popular Bible Verses from ROMANS 5

Share

Nidi t'ahdii bąąhági ááníiłii daniidlį́į́ nít'éé' yę́ędą́ą́' Christ nihá daaztsą́, éí bee Diyin God yee ayóó'ánihó'níinii nihił béédahózingo áyiilaa.

Nihił chodahoo'ínígíí bee doo nihąąh nidahwiikaad da, háálá Níłch'i Diyinii nihaa deet'ánígíí Diyin God bibee ayóó'ó'ó'ni' nihijéí yii' haidééłbįįd.

Índa doo t'áá éí t'éiyá ákót'ée da, nidi nihich'į' nidahwii'nánígíí ałdó' baa nihił dahózhǫ́, háálá éí bee hada'ííníilní bídahwiil'aahgo nihił béédahózin. Áádóó hada'ííníilní bídahwiil'aahgo nabídaneetą́ą'ii bee át'é dahiniidzįįh, áádóó éí bee nihił chodahoo'į́.

Éí bąą nihe'oodlą' bee t'áá ákogi ádaniit'éego nihá ha'oodzíi'go nihiBóhólníihii Jesus Christ bee Diyin God bił nihita'gi k'é náhásdlį́į́'. Jesus dahwiiniidlánígíí bee Diyin God nihaa jooba'ii biyi' dahoniidlǫ́ǫgo ánihijiilaa. Áko Diyin God bee haa ha'niihii ałts'ą́ą́' da'niilk'iiz dooleełígíí bíká nihił chodahoo'į́įgo t'áá íiyisí nihił dahózhǫ́.

Háálá dziil t'ahdii nihee ádindą́ą́', ts'ídá Diyin God yee nihoní'ą́ąjį' ahoolzhiizhgo, doo Diyin God k'ehgo ádajít'éii há Christ daaztsą́.

Éí bąą k'ad bidił deezna'ígíí bee t'áá ákogi ádaniit'éego nihá ha'oodzíí', áádóó t'ah nááyówehgo Diyin God t'óó báhádzidgo bibee até'él'íinii bits'ą́ąjį' yisdánihizhdoonił.

Diné t'ááłá'í Ádam wolyéego doo ak'eh hóół'įįdígíí bee diné lą'í bąąhági ádaanííł daazlį́į́', t'áá ákót'éego ałdó' diné t'ááłá'í Jesus wolyéego ak'eh hóół'įįdígíí bee lą'í ts'ídá t'áá ákogi ádaat'éego ánídadoolnííł.

Nidi doo t'áá éí t'éiyá da, nihiBóhólníihii Jesus Christ binahjį' ałdó' Diyin God bee nihił dahózhǫ́. Jó, Jesus hwee Diyin God bił k'é nída'ahidii'niid.