Popular Bible Verses from MATTHEW 27

Share

Áko tá'ígi daats'í oolkiłgo Jesus yéego hadoolghaazhgo ání, Éílii, Éílii lama sabákthanii? éí, ShiDiyin God, shiDiyin God, ha'át'éegoshą' yóó'ashidííní'ą́? jiníigo óolyé.

Nít'éé' jó'akon, kin bii' sohodizin biyi' góne' ach'ą́ą́h naníbaal wódahdę́ę́' yaago ats'áádláád, áádóó ni' hidees'náa'go, tsé éí daazdlad, índa dajishcháá' ąą ádaadzaago, lą'í Diyin God bidiyį́į́' daneeznánígíí náádabi'diyiiljéé'

Áádóó Jesus yéego hanáázhdoolghaazhgo hwii' sizíinii ninázhdiní'ą́.

Ákohgo siláo neeznádiingo binanit'a'í índa Jesus yaa ádahalyą́ągo yił naazíinii ni' hidees'náá' áádóó ádahóót'įįdígíí dayiiłtsą́ągo, kódaaníigo t'áá íiyisí nídaasdzííd, Díí t'áá aaníí Diyin God biYe' nilį́į́ nít'éé' lá!

Nít'éé' ałní'ní'ą́ą́dóó táadi ahéé'ílkidjį' t'áá át'éé nít'éé' chahóółhéél.

Páílat ánááhodoo'niid, Ákoshą' Jesus éí Christ wolyéhígíí haa deeshłííł? Áko t'áá ałtso ádadííniid, Bíni'dii tsin ałnáoszid bikáa'jį' bił e'elkaałgo daatsxaah. Áko ábizhdííniid, Ha'át'éegoshą'? Ha'át'íí doo aaníí shį́įshą' yaa naayá? Nidi t'ah yówehígo hanáádadeeshghaazhgo ádaaní, Bíni'dii tsin ałnáoszid bikáa'jį' bił e'elkaałgo daatsxaah!