Popular Bible Verses from MATTHEW 15

Share

Nidi azéé'dę́ę́' hahwiileehii éí ajéí bii'dę́ę́' hahwiileeh, áko éí diné nibiiłchxǫǫh. Háálá ajéí bii'dę́ę́' nichxǫ́'ógo nitsáhákees hahwiileeh, diné naatseed, adilyé, na'ageh bee tsi'na'adá, ani'į́į́', wooch'íidgo hane', t'áá ádzaagóó aa hane'.

ha'át'íhída diné bizahwiileehígíí éí doo nibiiłchxǫǫh da, nidi bizéé'dę́ę́' hahwiileehígíí éí nibiiłchxǫǫh.

Díí diné t'áá bizábąąhídóó t'éiyá yee shił danilį́, nidi dabijéí doo yee shit'áhíjį' ádaat'ée da; Na'níle'dii shich'į' dahodísin, háálá diné yee nahas'áanii bina'nitin danilį́įgo yee nida'nitin.

Áko Jesus ánáázhdoo'niid, Asdzání, dooládó' ne'oodlą' bee a'íínílíii ayóó át'éé lá! T'áá íinínízinígíí bik'ehgo ná ádoonííł. T'áá áko bich'é'é náábi'diilzá.

Nidi asdzání haa níyáago hach'į' nitsidinígo'go ání, Bóhólníihii, shíká anilyeed. Áko ábizhdííniid, Áłchíní bich'iyą' łééchąą'í bich'į' ajiiłtł'iidgo doo aaníi da. Nidi asdzání ádííniid, T'áá aaníí ákót'é, Bóhólníihii, áko łééchąą'í nidi yíhółníihii bibikáá' adání bikáá'dę́ę́' łees'áán bizéí hadandéhígíí deiyą́.