Popular Bible Verses from LUKE 7

Share

Éí bąą ándishní, Habąąhági át'éii t'óó ahayóígíí há yóó'anídoot'ą́ągo bąą, t'áá íiyisí ayóó'í'jó'ní, nidi t'áá háiida a'ohgo há yóó'anídoot'ánígíí, t'áá éí a'ohgo í'jó'ní. Áko asdzání áyidííniid, Bąąhági íínít'įįdígíí ná yóó'adoot'ą́.

Áko asdzání éí áyidííniid, Ne'oodlą' bee aa dzíínílíii yisdánííłtį́; nił hózhǫ́ǫgo náádááł.

áko Jesus tł'azdéestį́įgo hakee' yich'į' yiizį'go yichago binák'eeshto' yee hakee' néístłée'go bitsii' yee hakee' yiyíít'óód, áádóó hakee' yizts'ǫs, índa ak'ah yik'ijį' yayiiziid.

áádóó t'áadoosti'ee doo nidááh deesháał da nidi. T'óó saad bee handziih, áko shá naal'a'í náádidoodááł. Háálá shí ałdó' shinanit'a'í hólǫ́, áádóó siláo binanit'a'í nishłį́, áko ła', Ákǫ́ǫ́ díínááł, bidishniihgo dah diighááh; náánáła', Hágo, bidishniihgo shaa yighááh, áádóó shinaalte', Kónínééh, bidishniihgo t'áá áko éí áyiił'įįh. Áko Jesus díidí yidiizts'ą́ą'go hak'ee t'óó bił ahóóyóí, áádóó názyizgo diné bikéé' nooyéłígíí áyidííniid, Ánihidishní, Oodlą́ bee aa dzódlí kót'éii Ízrel dine'é bitahgi nidi t'ah doo ła' bik'ínísháah da.

Áko t'áá ákwe'é oolkiłgo lą'í ka nidaakaii índa bąąh nidahałniih hadaałt'é áńdajidle' áádóó níłch'i bi'iiníziinii bii' dahólónígíí biyi'dę́ę́' hahizneeskaad, índa lą'í doo da'oo'ínígíí da'oo'į́įgo áńdajidle'. Áko Jesus hach'į' hanáánáádzíi'go áhodííniid, Nihílááh nááht'ash, díidí woołtsánígíí índa disoots'ą́'ígíí bee John bił hodoołnih: doo da'oo'ínígíí da'oo'į́ áńdaalne', nida'niłhodígíí nidaakai áńdaalne', łóód ats'íís yiyáanii naałdzidii bee bąąh dah nidahaz'ánígíí hadaałt'é áńdaalne', áádóó bijédaahkałígíí da'diits'a' áńdaalne', daneeznánígíí nááhidiiljeeh, badahojoobá'íígíí hane' yá'át'éehii bee bił dahane', dohníigo.