Popular Bible Verses from ACTS 4

Share

Náánáła' bee yisdá'doodáałii doo nááhódlǫ́ǫ da, háálá yádiłhił biyaagi yízhí náánáła' bee yisdáhiikáah dooleełii ts'ídá doo ła' nihokáá' dine'é baa náádeet'ą́ą da.

Kót'éego sodazdoolzin, nít'éé' áłah jílínígi nahwiis'náá', áádóó t'áá ádzíłtso Níłch'i Diyinii hwii' hadadéébįįd, áko Diyin God bizaad t'áadoo náhoniyésí bee dahojilne'.

Áko Bóhólníihii nílíinii, k'ad nihił dahółyée'ii baa ákonínízingo, ná nidaal'a'í daniidlíinii ts'ídá t'áadoo náhoniyésí nizaad bee yádeiilti'go ádanihíle'

Díí tséhígíí lą́ą, éí nihí kin ádaał'íní doo danoozį́į' da yę́ę át'é, nidi t'áá éí tsé bee naaná'ástł'inii silį́į́'.

Ákohgo Peter índa John doo hazhó'ó íhooł'ą́ą'ii índa t'áá bóhólníhígíí nilį́į nidi, doo yisti'góó yáłti'ígíí yaa ákodaniizį́į'go, yik'ee t'óó bił adahóóyóí, áko Jesus bił nijikai nít'ée'go bił béédahoozin.

Áko da'oosdląądii éí t'ááłá'í iiná áádóó t'ááłá'í nitsáhákees yee dah ahoojih daazlį́į́', áko t'áadoo le'é bee dahólóonii t'áadoo, T'áá sáhí shí dooleeł, dadííniid da, nidi t'áá ałtso aheełt'éego chodayoos'įįd.