Popular Bible Verses from ACTS 20

Share

T'áá ałtsojį' bee ádanoht'ée dooleełii nihá áshłaa, éí bik'ehgo naanish bidadoołkaalígíí bee ádí'oh daneel'ánígíí bíká anídaahjah doo, áádóó Bóhólníihii Jesus t'áá bí bizaad yee haadzíi'ii béédaałniih doo, T'áadoo le'é azh'níláii éí haa yílyáii bilááh át'éego baa hózhǫ́.

Nidi hinishnánígíí doo ílį́įgo baa nitséskees da, doo nidi shił nilį́į da, áko shá honít'i'ii bíighah adeeshłeełígíí índa Bóhólníihii Jesus naanish sheidiní'áanii ła'deeshłíłígíí baa shił hózhǫ́ǫ doo, éí t'éí laanaa nisin, éí Diyin God bee ajooba' baa hane' yá'át'éehii baa hashne'go naash'a'.

Ádaa ádahołyą́, áádóó dibégi át'éego Diyin God dayoodláanii t'áá ła' bizhi'ee baa ádahołyą́ągo bida'iyohsą́ą doo biniyé Níłch'i Diyinii ninihinínil, háálá Jesus t'áá bí bidił yik'é niiníláago ádá shóyoost'e'.

Áko k'ad Diyin God áádóó bibee ajooba' saad baa nihisįįh. Éí nihe'oodlą' dabidziilgo ánihidoolííł índa diyingo ádayiilaii t'áá ałtso bił nihíí' dadooleełii yee nihik'izhdoodliiłgo yíneel'ą́.