Popular Bible Verses from ACTS 17

Share

Éí Diyin God hadeintáago t'ah nít'ée'da haa ákodaniizįįhgo hak'ídaakah łeh nízingo ákót'éego áyiilaa. Azhą́ t'ááłá'í niitínígo nihits'ą́ądi doo nízaadi hojílǫ́ǫ da nidi

Áko diné t'ááłá'í bidił bits'ą́ą́dóó ał'ąą dine'é t'áá ałtso nahasdzáán bikáa'gi t'áá át'éé nít'éé' kéédahat'į́į dooleeł biniyé áyiilaa, áádóó hoolzhishii biyi' dahináa dooleełígíí, índa kéédahat'į́į dooleełgóó t'áá átséedi yee nihoní'ą́.

Diyin God éí nahasdzáán índa t'áá ałtsoní bikáa'gi dahólóonii áyiilaii, éí yádiłhił índa nahasdzáán bee bóhólníihgo, kin bii' sohodizin yílá bee ádaalyaii doo yii' hólǫ́ǫ da

Háálá diné niiníłtíinii ła'a jį́ nihokáá' dine'é ts'ídá t'áá ákogi át'éego yaa nídóot'įįłgo yee nihoní'ą́. Éí daaztsą́ą́dę́ę́' néidiisáhígíí bee t'áá aaníí ákóhodooníiłgo diné t'áá ałtso bił nibéédahwiizįįhgo áyiilaa.

Diyin God ba'ałchíní daniidlį́įgo, e'elyaii óola áádóó béésh łigaii índa tséda diné t'óó yaa nitsídaazkéezgo dayiichįįhgo ádayiilaa nidi, éí Diyin God nahalin daniidzingo doo bohónéedzą́ą da.