Popular Bible Verses from Roma 5

Share

Lelo kwena Lesa alilanga ifyo atutemwa pakuleka ukuti Kristu atufwile ilyo tucili ababifi!

Kabili ifyo tusubila, tukafimona, pantu Lesa alipongolwela icitemwiko cakwe mu mitima yesu pakutupeela Mupashi Wamushilo.

Teici ceka iyoo, tulasansamuka na mu macushi mwine. Pantu twalishiba ukuti amacushi yalenga ukushipikisha. Ukushipikisha nako kulenga tukwate imibeele yacishinka, ne mibeele yacishinka nayo ilenga ukuti tukwate ukusubila.

Apo pa mulandu wa cisumino twaba abakaele pa cinso cakwa Lesa, kanshi Imfumu yesu Yesu Kristu alileta umutende pakati ka ifwe na Lesa. Cisumino muli Yesu Kristu emo twashukila icikuuku cakwa Lesa, ico tulimo. Eico tulasansamuka pakusubila ukuti na ifwe tukakuma ku bucindami bwakwa Lesa.

Pa nshita Lesa apimine, ilyo twali imbulwamaka, elyo Kristu aishile fwila abashapetamina Lesa.

Apo umulopa wakwa Kristu walitwalula ukuba abakaele pa cinso cakwa Lesa, bushe kanshi kuti afilwa shani ukutupususha ku bukali bwakwe?

Kanshi nga filya fine abantu bonse basanguka ababi ico umuntu umo akeene ukunakila Lesa, efyo fine ico umuntu umo anakila Lesa, calenga ukuti abantu abengi babe abakaele pa cinso cakwa Lesa.

Kabili teici ceka iyoo, lelo tulasansamuka na pali ico Lesa atuwikishanya nankwe mu Mfumu yesu Yesu Kristu.