Popular Bible Verses from Roma 1

Share

Ine nshumfwa nsoni pa Mbila Nsuma! Imbila Nsuma e maka yakwa Lesa ayapususha bonse abasumina, pakubala Abayuda, elyo na Benafyalo bene.

Pantu Imbila Nsuma isokolola ifyo Lesa atucita ukuba abakaele pa cinso cakwe, elyo neci caba mukuba ne cisumino epela. Efyo calembwa ukuti, “Umololoke ena akulaba umumi pa mulandu wa citetekelo.”

Pantu ukufumafye apo Lesa abumbile isonde, amaka yakwe aya pe na pe na Bulesa bwakwe, nangu fyonse fishimoneka, lelo balifishibafye bwino bwino. Abantu balafimona mu fintu Lesa acita. Kanshi eico aba bantu tabakwata na kabepesho nakalya!

Pantu nangu baishiba Lesa, nomba tabamucindika nga Lesa, nangu ukumutasha. Batontonkanyafye ifyaciwelewele na mano yabo yalikutwa.

Balisuula icishinka cakwa Lesa, basalapo ubufi. Bapepa no kubombela ifibumbwa fyakwa Lesa, elyo basuula Kabumba wine wafiko, uo abantu bafwile ukulalumbanya lyonse! Ameni.

Ubukali bwakwa Lesa nabusokoloka ukufuma ku mulu. Bwishile pa bantu bonse abashicita ifyo Lesa afwaya na pa fibi fyonse ifyo abantu bacita. Pantu ni ku misango yabo ibi, balesha icishinka ukwishibikwa.

Mulandu wakucita ifi fintu eco Lesa abalekela balekonkelela ulunkumbwa lubi ulwamusebanya. Abanakashi balecita ubupulumushi na banakashi banabo, ici tefyo cifwile ukuba. Abaume nabo balileka ukulala na banakashi, nomba baikatwa no lunkumbwa lubi ulwa baume banabo. Kanshi abaume balecita ubupulumushi na baume banabo. Ici cintu camusebanya nganshi. Kanshi abene ebailetelela ukukandwa pa kulungana kwabo. Apo aba bantu bakaana ukusakamana ifyacishinka pali Lesa, Lesa nao aleka amano yabo yawile ku fyabuwelewele. Nomba bacita ifintu bashifwile kucita.

Baitunga ukuba abamano, kanshi fiwelewele. Bafuma na kukupepa Lesa umucindami uushifwa, balapepa utulubi utwapala umuntu uufwa, nangu utwapala ifyuni, nangu inama nangu ifikulaika panshi.