Popular Bible Verses from Esaya 65

Share

Nomba ilyo tabalati banjite, ine nalibaswike, ilyo bacili balelanda, ninshi nalibomfwile.

“Mwamona, ine ndebumba umulu uupya ne calo naco icipya. Ifyakale fyonse tabakalefibukisha, nangu ukulafitontonkanyapo.

Bakulashuukilamo mu milimo yabo, na bana babo tabaleponenwa na mipamba nakalya. Pantu nine wine ne Yawe nakulabapaala lyonsefye, kumo kwine na bana babo.

Tabakakuule amayanda elyo bambi ebaisa ikalamo iyoo. Kabili tabakalime elyo bambi ebaisa lya awe. Abantu bandi bakulakokola pa calo nge miti. Abasalwa bandi bakulailemena ifintu ifyo bakulaibombela.

Tamwakaleba tunya utwakulaikalafye inshiku ishinono ututeku nakalya, bonsefye bakulakota ukucila na pa myaka iyo bali nokufwilapo. Abakulafika pa myaka umwanda (100) utuntulu, awe bakulamonekafye abamaka. Uushalefikako ninshi ena kwishibafye ukuti untu atipwa.

Umumbulu no mwana wa mpaanga fikamba ukulila pamo, ne nkalamo shikalalya icani nge ŋombe, ne nsoka shine shikalalya ulukungu. Pa lupili lwandi ulwamushilo, awe tapakabe ubonaushi kabili tapalemoneka kabi nelyo kamo.” Efyasosa Yawe.

Na ine wine nakulasansamuka icibi pa mulandu wa Yerusalemu, na pa mulandu wa bantu bandi. Tamwaleba wakulukusha filamba, nangufye uwakukuuta mutuule nakalya.