Popular Bible Verses from Esaya 49

Share

“Bushe umwanakashi kuti alabako ku kana kakwe akanya akaleonka? Bushe kuti apata umwana uo aifyalila, batini? Nangu pambi nyina engalabako kuli mwane, nomba, ine nshakatale nkulabako iwe nelyo panono.

Iwe Yerusalemu, ine tekuti nkulabeko nakalya, pantu ine nalikulemba iwe mu ndupi shandi, ifibumba fyobe fyaba ku cinso candi inshita shonse.

Yawe nao epakwasuka ati, “Ee, kanshi iwe we Sioni walamona ukuti efyo calacitika. Ine nalatasha impalume no kuipokolola bankole, nalapoka nefyo imfumu iikali yatapa. Pantu nine nakulalwisha bonse abakulakulwisha, kabili nine wine nakulapususha na bana bobe.

Yawe asosa ati, “Cintu cayanguka ukucita iwe ukuba umubomfi wandi, uwakubukulusha inko shakwa Yakobo ishashalapo, no kubwesha aba mu bena Israeli abo nasunga. Kanshi nalalundapo no kukucita ulubuuto ulwakulasanikila imishobo ya bantu abenafyalo, pakuti ukupususha kwandi kukafike na ku mpela ya pano isonde.”

Akwaula ne nsansa, iwe we mulu, nobe we calo, akwanga, samuna ulwimbo we mpili! Pantu Yawe natalalika abantu bakwe, kabili nalangulukilako abantu bakwe abalecula.