Popular Bible Verses from Esaya 30

Share

Nga mwalapumba mu nshila, no kulalola ku kulyo nangu ku kuso, mukalaumfwa ishiwi lyakwe lyamweba aliti, ‘Ala inshila ino kuno, eyo mukonke.’

Nangu cakulaba ifyo, Yawe wena akulamulolela imwe pakuti alemupaala. Ena alefwaya ukulamubelelako uluse, pantu pefye Yawe e Lesa uucita ifyalolamo. Ala ishuko lisangwafye mukutetekela Yawe.

Imfumu Yawe, Uwamushilo uwakwa Israeli, alesosa ukuti, “Mukubwelela kuli ine no kutuusha emo mukapusukila. Nga mwatekanya no kuncetekela, lyena ninshi mwakulakwata amaka. Nomba imwe mulakaana.

Kwena nangu Yawe amulenge ukupita mu macushi na mafya nga filya mulya no kunwa cila bushiku, nomba kafundisha akalabapo pakumufunda. Takalefisama iyoo, nemwe ninshi nomba mukalamushimpamo na menso.

Elyo nao Esaya akonkenyepo ati, “Imwe mwe bena Sioni, mwe baikala mu Yerusalemu, tamwakalelila filamba nakabili iyoo. Yawe akaba no luse nga mwakuuta mutuule. Ilyo akomfwa lyena akamwasuka.

Yawe nasosa ukuti, “Bakacimona abana abatalama. Abo abacitafye ifyo ine nshabeba ukucita, kabili bacita ifipangano ifishilingene no bufwayo bwa Mupashi wandi, ecilenga nokuti balelunda ububifi pa bubifi.