Popular Bible Verses from Esaya 26

Share

We Yawe, abantu ababikisha amano kuli iwe, kabili abakutetekela, ulabalenga ukwikala mu mutelelwe uwine wine.

Ala muletetekela Yawe lyonsefye, pantu ni Yawe, cine cinefye ni Yawe umwine e cilibwe cesu ca pe.

Ine ndakufuluka nganshi pa nshita ya bushiku, icine cine umweo wandi ulakufwaisha; Ilyo ukalubulwisha abekalacalo, elyo bonse bakeshiba ifyo ubololoke bwawama.

We Yawe niwe utuletela umutende, pantu fyonsefye ifyo ifwe tumona mukubomba, niwe ulenga tulefimona.

Cacine we Yawe, mukukonka amafunde yobe emo tukulolela, kwishina lyobe ne cibukisho cobe ekwalola ukukabila kwa mitima yesu.

We Yawe, ulalungika inshila ya bololoke, inshila yabo ulailinganya bwino bwino, pantu uli mulungami.

Alacefya abantu bacilumba abaisansabalika, alonaula umusumba wamaka uwasansuka, alawisha amalinga yauko no kuyatobaula mu lukungu.

Isuleniko ifiibi fya pa mpongolo, muleke bengile abantu ba mushobo uucita ifyalungama, umushobo uwatetekela.