Popular Bible Verses from Esaya 19

Share

Yawe umwine wa fita akapaala abantu ba ifyo fyalo ati, “Ine namupaala imwe mwe bena Egupto, mwe bantu bandi. Namupaala na imwe mwe bena Asiria, mwebo ine nabumba. Namupaala na imwe mwe bena Israeli, mwe bantu naisalila.”

Ifyo fintu efikaba ifibukisho ifyakulenga ukwibukisha ukuti Yawe umwine wa fita aba mu Egupto, epakuti abantu nga basanswa no kukuuta Yawe mutuule, akabatuminapo umo uwakubapusushako no kubacingililako ku balwani babo.

Amashiwi ayasobelwe palwa calo ca Egupto ni aya. Moneni Yawe nanina pekumbi ililesensela, aleya ku calo ca Egupto. Utulubi twa mu Egupto tuleitutuminafye ku mwenso pa cinso cakwe, na bena Egupto bene imisana yabo naiputuka.

Iyo nshita nga yafika, pakati ka calo ca Egupto bakakuulapo ubulambo bwakwa Yawe, na mu mipaka ya calo mukabamo icibumbili cimo ica mabwe, ico bakakuulila Yawe.