Popular Bible Verses from Esaya 11

Share

No Mupashi wakwa Yawe ukekala pali ena, umupashi wamano no wakwiluka ifintu, umupashi wakwishiba ukupingula no wamaka, umupashi wakwishiba no wakatiina kuli Yawe. Insansa shakwe shikaba mukukwata akatiina kuli Yawe. Ena takalepingula bantu mu fyakumonafye ku menso, nangu mu fyakumfwa umfwafye iyoo.

Pakapuka umusambo uuteku pa cishiki cakwa Yese, ukufuma ku mushila wakwe umusambo ukatwala fisabo.

Ena akalaputula imilandu ya balanda mu kulungika, mu mulinganya akapingwila abalanda ba mu calo. Akalimuna isonde ku nkonto ya kanwa kakwe, no kukanda ababifi ku mupu wa milomo yakwe.

Ubololoke bukaba e mushipi wakwe, ne cishinka cikaba nge lamba lya pa mutima wakwe.

Pa lupili lwandi ulwamushilo tapakaleba nangufye cimo icakucusha umuntu, nangufye ukumonaula, pantu nga filya fine bemba aisula amenshi, efyo na ba pano isonde bakesulamo amano ayakwishiba Yawe.

Imimbulu ikalaikala umutelelwe pamo no mwana wa mpaanga, imbwili shikalalalafye pamo no tubushi. Ifiponti fya ŋombe fikalalilafye pamo ne misepela ya nkalamo, na baice ebakalaficema.

Ubushiku bumo bukesa ilyo uyu mushila wakwa Yese ukesa ba uluunga lwa cishibilo ku mishobo ya benafyalo. Abantu ba mishobo bakalongana mu musumba waiko, ukaba icifulo icabucindami.