Popular Bible Verses from Esaya 1

Share

“Ine ne Yawe ndeti, aleni tumfwane nomba. Nangu ifyabubifi fyenu fyakashika cee nkafisamba kabili fikabuuta tuutu ngo bunga bwa mfula. Nangu ifyabubifi fyenu fyamulenga ukukashika cee, awe mukabuutafye tuutu ngo butonge.

Nga mwalanakilafye ine, ninshi mukalaipakisha ifisuma ifyo umushili umesha.

bikeni amano kukuwamya. Bikeni imitima ku kucita ifyalungama. Akwafweniko abalefyengwa, akupingwileni bwino bakashiwa, mulepokololako na bamukamfwilwa.

Nomba nga mwakaana, mwantalamina, awe ninshi mwashama, mukalobelela mu nkondo. Nine ne Yawe nalanda.”

Sambeni, isangululeni. Lekeni ukulacita ifyabubifi ifyo ine mona mulecita. Ala lekeni ukubifya

Nangu mwimye amaboko yenu pakumpepa, ine nomba nshaleloleshako amenso yandi. Nangu mupepe shani, ine nomba nshale mumfwa iyoo, pantu iminwe yenu intu yakowela ku mulopa.

Lekeni ukundetela imituulo yenu iyabuwelewele, akacena ka bubani mutuula kalenselausha. Inshikunkulu shenu isha mitebeto ya pa kumoneka kwa mweshi upya, ne nshiku she Sabata, na shimbi shine ishakumpepamo, awe nomba nasho shine nashikowela kuli ine pa mulandu wa bufibi bwenu.

Iŋombe shileshiba uwashiteeka, na bapunda baleshiba umulimba uo uwabateeka abalishishamo. Lelo abantu bandi abena Israeli awe bena tabaishiba kabili tabacumfwa nangu panono.”

Ine nomba nimpata inshikunkulu shenu isha mitebeto ya pa kumoneka kwa mweshi upya, nimpatila kumo kwine ne nshikunkulu shimbi shine isho mumpepamo. Isho nshikunkulu shili kwati cipe icamfinina, ico nomba nintendwa ukucisenda.