Popular Bible Verses from Icitendekelo 32

Elyo uyo muntu asosa ati, “Nomba tawakulaitwa ishina lya Yakobo, lelo Israeli, pantu naulwishanyana na Lesa na bantu, kabili naubansha.”

Elyo uyo muntu aebele Yakobo ati, “Leka ndeya, pantu nomba caba ku macaca.” Lelo Yakobo amwasuka ati, “Awe nshakuleke uye, kano ninshi ushe wampaala.”

Kanshi Yakobo epakushala eka. Elyo bashashala no muntu mpakafye na ku macaca.

Kanshi Yakobo epakwinika iyo ncende ishina lya Penieli. Asosa ati, “Pantu natushimpana na Lesa amenso, elyo kabili ncili umumi.”

Ilyo uyo muntu amona ukuti teti anshe Yakobo, uyo muntu epakuma Yakobo pa mfyufyu ya lutungu, awe no lutungu lwafyutuka ninshi bacili balelwishanya.

Uyo muntu aipusha Yakobo ati, “Bushe ishina lyobe niwe ani?” Yakobo ayasuka ati, “Nine Yakobo.”

Yakobo amweba ati, “Napapata njebako ishina lyobe.” Nao amwasuka ati, “Cinshi uleipushisha ishina lyandi?” Awe apopene apaala na Yakobo.

Ine nshilingile uluse lonse ulu wankwatile, no bufumacumi bonse ubo walanga ku mubomfi obe. Ilyo nayabwike uyu mumana wa Yordani, nalifye ne nkonto epela, lelo nomba ndi na mabumba yabili.

Kanshi ukufika na lelo abena Israeli tabalya mushipa washinta mu mfyufyu ya lutungu, pantu ni pa mushipa wa mfyufyu ya lutungu epo Yakobo auminwe.

Elyo Yakobo apepele ati, “We Lesa wakwa tata Abrahamu, we Lesa wakwa tata Isaki, we Yawe we wanjebele auti, ‘Bwelelamo ku calo kumwenu, na kuli ba lupwa lobe, ine nkamona ukuti fyonse fyakuwamina.’

Napapata, wingampususha kuli munyinane Esau. Pantu ine ndetiina, kuti aisa ndwisha, elyo aipaya banyina na bana babo.