Popular Bible Verses from خروج ۶

Share

بنی‌ایسرائیلَ بوگو: ‹من خوداوند ایسم، و شمرَ مصریأنٚ فعلگی جأ بیرون اَورم. من شمرَ، جٚه اوشأنٚ بردگی آزادَ کونم و می بوجورٚ گیفته بازو و پیله داوری‌یأنٚ مره، شمرَ نجات دهم.

اَطویی شمرَ می ورجأ اَورم کی می قوم بیبید و من شیمی خودا بم، بأزین شمرَ حألی به کی من یهوه، شیمی خودا ایسم کی شمرَ جٚه مصریأنٚ فعلگی بیرون بأوردم.

و شمرَ به سرزیمینی برم کی راستَ گیفته دسٚ اَمرأ قسم بوخورده‌بوم اونَ ایبراهیم و ایسحاق و یعقوبَ ببخشم و شمرَ او سرزیمینٚ وارث چأکونم. من خوداوند ایسم.›» موسی هر چی بیشنأوسته‌بو بنی‌ایسرائیلٚ رِه واگویا بوکوده ولی اوشأن گوش نوکودیدی چونکی بردگی و سختٚ کارأنٚ جأ اوشأنٚ جان به سر اَمون دوبو.

خوداوند موسایَ بوگفته: «هسأ دینی فرعونٚ اَمرأ چی کونم. من اونَ می پور قوّتٚ دسٚ اَمرأ وادار کونم کی اوشأنَ آزادَ کونه؛ ینی دسأنٚ پور قوّتٚ اَمرأ اوشأنَ جٚه خو سرزیمین بیرونَ کونه.»