Popular Bible Verses from Hebreos 10

Share

Diosta piantuz wanmakkakane, uspakasa wanmakna ɨzhain. Mazantuz ñamin wanmakkarakas, uspane wanmakna paiyarɨt. Sun wanmakmuchiruzkana uzman. Katmizna maza mazarain kuruntawamakpas, awa Dioskasa watmin chaanapa, Diosta wakpuj wainñanapa. Mane aune awaruza kiwainnarawa, au Anpat kailtu payu piananpain akwa.

Mamaztuzpa minchain, usparuza kiwainnanapa, awaruza pashinanapa. Mamaztuza kiwainna ɨzhain, wat kal kianapa.

Diosta tɨrizna ɨzhain, us kin namtɨt aizpa kinkima. Wenamtuchin, Cristo watcha i kaizna ɨzhain. Paiña pit kwairachin, ussa mɨzhain. Usne us kin namtɨt aizpa kinazi, wenamnachin.

Wan naiztu aizpa tɨnta tailchamtuasmin, une Dios kaizta aizpa mɨarawa, kwairachin. Dios pashit aizpa kiarawa, us uruza kin namtɨt aizpa chiyura sappanapa.

Katmizna Dios tura ɨzhain, ussa wakpuj wainna. Mane ussa wat nɨjkultumakpas. Dios aumɨza maiznat kit au kaijchura wat namninta akwa, aune Dios watcha i pianmakpas. Cristo au kaijchukin au kwail mintɨt aizpa sɨnam sanarɨt akwa, aune Dios iztukin sɨnam awakana uztumakpas.

Katmizna, Diosta nɨjkulmɨztain, wenamtachin. Watcha, Diosne uruza us wan kin namtɨt aizpa chiyura mɨlananazi.

Maza Dios watcha pit piankamtukas, sun awa kwail kimɨztune, Diosne paiña kwail kimtu aizpa sɨnam sasachi, au piantarɨtmikasha kwairɨt akwa. Sun akwa, Diosne kwail kishimɨzturuza ishkwaninnat kit usparuza ĩnkin ɨninnanazi, usparuza ilnana.