Popular Bible Verses from 1 Coríntios 15

Share

Katmizna, Diosta piantuz, mɨzhain. Na uruza pashinamtu akwa, nil kiamɨztawa. Pailta payu Diosta nɨjkulamɨztawa. Pailta payu au Anpatpa kal kiamɨztawa, wan pailnakima. Une au Anpatpa kal kiara. Katmizna usne u kal kiarɨt aizpa mainmanazi.

Aune Diosta aishtaish kiztawamakpas. Usne au Anpat Jesucristo akwa aumɨza anuppaninamtu, au iamanpa.

Uruzne ñanta kininman, kwail kin. Mɨnpazha ka kaizta: “Chakulamtumikane kwail izmuruzkasa chamtune, kwail kishinazi.”

Cristo nawa paiña ɨnintamika namtɨt akwa, usne paiña kal nawa chɨhkara, wan kinpa. Suasne Diospa kal kirau wan pailnakima. Nane anpa ɨnintaruzkin an tɨnta kal kirau. Na kal kitkas, Diosmin nawa pashit kit wat kiwainta, paiña kal kinpa.

“Irawane, aune an naizamanapas. Irawane, aune mamasa iamanapas.” Antikwane Diosne paiña ɨnim pit ɨninta, awa uspa kwail kiarɨt aizpa piankamnapa. Uspa kwail akwa, uspane inna ishkuamtu. Dios usparuza naizninnamtu akwa, ishkuamtu.

Nane uruza an ñamin kamtanarachi aizpa piankamninnanash. Wanne iamanapas. Au wan awane mamaz tuntu izanazi. Aune masain wan maizanapas, kasu pit kit kasu izkultukana. Sun minpa payura awane katsa iru karaskwil usnazi. Katsa iru karaskwil azkane, irɨttuzne mamasa uzna kakulanazi, anneme iamtuchi akwa. Sun payu taizka, uzturuzne mamaz tuntu izarɨnazi.

Maza ampu akwa, Adán kwail kirɨt akwa, wan awane au sukin iamtu. Sunkas mamaz ampu akwa, Cristo irɨttas kakulta akwa, usne mamaztuza irɨttas kakulninashina. Adán akwa, aune ianapas. Sunkanain Cristora nɨjkulturuzne irɨttas kakulanazi, mamasa uzna.

Awa an sukin pailta payukima tailchasachi akwa, awane iarawa. Iarawane, mamaz tuntu izarɨnazi, mamasa an iamtuchi akwa.

Cristone katsa mikwakana au sukin ɨninnanazi, wan aliz awaruza anuppananakima. Cristo mamaz payura paiña kal kapal kitpane, ussa piantuza irɨttas kakulninnarawane, awane mamasa mizurainkas iamanazi.