Popular Bible Verses from 1 Coríntios 12

Share

Diosta piantuzne paiña mɨlam sappanazi. Sɨnam Izpulne usparuza tɨnta kiwainnamti, paiña kal kianapa. Suasne uspane sun mɨlamkasa anpa Diosta piantuza kiwainñashinai.

Une, Diosta piantuzne, Cristowa kwalkanain mai. Aune akkwan makpas, maza awa intiruz namna.

Mazantuz naizakane, wanne naizanazi. Maza an tɨnta namtane, wanne watsal kulanazi.

Sɨnam Izpulne mazantuza an wat piankammu pit mɨlanamtu. Sun Sɨnam Izpulmin mazantuza mɨlanamtu, mamaztuza Dios kaizta aizpa piankamninnanapa. Mazantuza sun Sɨnam Izpulmin Cristora nɨjkulanapa mɨlanamtu, Cristo pashimtu aizpa kianapa. Mazantuza mɨlanamtu, ishturuza kakulninanapa. Mazantuza tɨnta kiwainamtu, watsal kal kianapa. Mazantuza kiwainamtu, Dios ɨninta aizpa kainanapa. Mazantuza kiwainamtu, saliztuz kiamtu aizpakas Sɨnam Izpul kimtu aizpakas piankamanapa. Mamaztuza kiwainamtu, mamaz kamtachi pit paraanapa. Mazantuza kiwainamtu, mamaz tuntu pit paramtumika kaiztu aizpa piankamninnanapa.

Sunkanain Sɨnam Izpulmin awaruza kiwainamti, pakaish pakaish kal kianapa. Us pashit aizpa kin mintawane, Sɨnam Izpulne wan Diosta piantuza uspa mɨlam chɨhkanara.

Dios awaruza sarane, usne chiwal wan wa aizpa sara, wan awa sulmin wan kianapa, waya kiamanpa. Awane pailta awa intiruzkana mamaztuza sunmin kiwainñashina.

Dios akkwan tuntu kal mɨj akwa, Diospa Sɨnam Izpulmin Diosta piantuza mɨlam mɨlanamtu, paiña kal kianapa. Awa aizpa pakaish pakaish kal kiamtuasmin, au Anpatmin usparuza kiwainnamtu, paiña kal kianapa. Akkwan tuntu kal wa. Diosmin wan kal kimturuza kiwainamtu, paiña kal kianapa.

Mane Diosne pakaish pakaish naninnara, Diosta piantuz wanmakmukin paiña kal kianapa. An ñancha Diosne ɨnintaruza nanara. An kwizta Dios pit kainammtuza nanara. An kwizta Dios pit kamtamtuza nanara. Suasne watsal kal tɨnta kimturuza nanara. Suasne mamaztuza wat paninturuza nanara. Suasne mamaztuza kiwainturuza nanara. Suasne wanmakmuruza ɨninturuza nanara. Suasne mamaz tuntu pit paramturuza nanara.

Maza awa intiruz akkwan pajte waj. Mazain chi.

Mazkwa mazkwa sunkana wajne, wan awa intiruz namtu. An we tɨnta pajte an kwisha wari.

Kasune wan awaspain chi. Kasune awa aspainne, chinkas piasachi. Kailne wan awa intiruz chi. Kimpuh wan awa aspainne, chinkas mɨasachi. Mane Diosne au awa intiruz sara. Samtuasmin, usne chiwazha awa intiruz wajnin kit us pashit aizpa kira. Wan awa intiruzkin wa aizpa kawarain chi. Maza pajte maza pajtene kajaram waj.