Popular Bible Verses from SOERA ZINOENÕ 91

Share

Oemane chõ Jehowa: ”Saw̃atõgoe ndraʼoegõ ba hatigoe, Lowalangigoe, tõtõna fõgoe!” (Sin. 18, 3).

Sonahia barõ mbaʼabaʼa andrõ chõ Wondrege zalaw̃a andrõ, daʼõ zahono ba loemõ Wondrege zabõlõ andrõ.

Na iʼangarõfi li ndraʼo, ba oefondrondrongo chõnia, awõnia ndraʼo ba wamakao; oeʼefaʼõ ia ba tetoeria ia oebeʼe.

Iw̃aʼõ ba malaʼika andrõ chõnia, ba chõmõ andrõ, enaʼõ larorogõ ndraʼoegõ, ba lalamõ andrõ fefoe. (Mat. 4, 6).

Ibaloegõ ndraʼoegõ afinia, ba barõ gafinia andrõ aoeri ndraʼoegõ; no baʼabaʼa ba baloese zi doehoe andrõ chõnia.

Me no õw̃aʼõ: ”Jaʼoegõ saʼae dõtõnafõgoe, Jehowa;” Fondrege zalaw̃a andrõ no õbeʼe saw̃atõoe. Lõ itõrõ ndraʼoegõ saboe dõdõoe, ba lõ ihatõʼõ ia ba noseoe famakao.

Iʼefaʼõ ndraʼoegõ ba dandraw̃a andrõ chõ zolaoe tandraw̃a wofo, ba iʼorifiʼõ ba wõchõ waba famoenoe andrõ. (Sin. 124, 7).

He hõnõ zi mate ba ngaimõ, ba he foeloe ngahõnõ zi mate ba gambõlõoe, ba jaʼoegõ, ba lõ gõna.

Lõ tola ataʼoe ndraʼoegõ gametaʼoeõ andrõ ba zi bongi, ba he ono wana sanõrõ, na maʼṍchõ. Fõchõ waba andrõ, sanõrõ sogõmigõmi, teoe mbanoea andrõ, famakiko na laloeo.