Popular Bible Verses from SOERA ZINOENÕ 40

Share

Chõ doeka wanoenõ andrõ. Chõ Dawido. Sinoenõ. I. L õ nibõhõigoe fanõtõna chõ Jehowa, ba no ihatõʼõ ia chõgoe ba no ifondrondrongo weʼaogoe andrõ.

No idõni jaw̃a ndraʼodo, moroi ba gohokoho famakiko andrõ, moroi ba damboe somboejoe; ba no ifonaha gahegoe ba dete gara ba no iʼabeʼeʼõ mbekagoe.

Ba no ibeʼe ba mbewegoe zinoenõ si bohooe, fanoeno Lowalangi andrõ. Ato zangila, ba ataʼoe, ba manõtõna chõ Jehowa. (Sin. 33, 3).

Ba oemane: Hiza, sodo dania, ba ngaʼõloe zoera itõrõ li ndraʼodo.

Faʼatoelõmõ andrõ, ba lõ nibiniʼõgoe ba dõdõgoe bacha; fa lõ farõi ndraʼoegõ ba fangorifi andrõ chõoe, ba no oefatoenõ; faʼeboea dõdõoe ba faʼadoehoemõ andrõ, ba lõ nibaloegõgoe ba gowoeloa seboea.