Popular Bible Verses from SOERA ZINOENÕ 32

Share

II. O efahaõ ndraʼoegõ, oefobawa lala chõoe, nitõrõoe, oefolala dõdõoe, wangõhõrõgõ jaʼoegõ. (Sin. 25, 12).

Baʼabaʼa ndraʼoegõ chõgoe, õtimba chõgoe wamakao; õfasoei ndraʼo faʼiki ba wangorifi.

Ba oeʼombachaʼõ chõoe horõgoe, ba lõ oebiniʼõ lalõgoe andrõ. Oemane: ”Daʼoeʼombachaʼõ chõ Jehowa golalõw̃agoe andrõ.” Ba awena õʼefaʼõ chõgoe horõgoe, lalõgoe andrõ. (Amaed. 28, 13).

I. Ja ahowoe niha niʼefaʼõ olalõw̃a andrõ, nibaloegõ horõ! (Rom. 4, 6—9).

Ja ahowoe niha ba zi lõ ibeʼe horõ lalõ andrõ Jehowa ba si lõ falimosa ba dõdõ.

Andrõ ja mangandrõ chõoe dozi satoelõ, na baw̃a õʼoromaʼõ ndraʼoegõ; he w̃aʼae anõnõ danõ molõ seboea, ba lõ ichamõ ira.