Popular Bible Verses from Hageo 1

Share

Noga munayniyoj TAYTA DIOSMI në: «Imano cawaycashayquitapis sumaj yarpachacuy. Gamcunaga aypallatami murupacunqui; ichanga wallcallatami shuntanqui. Micushpayquipis jinallami yargaycanqui. Upushpayquipis jinallami yacunarcaycanqui. Sumaj pitucurpis manami goñurinquichu. Arupacuptiqui pägashushayquipis manacajnöllami ushacäcun.

Puntacunaman ayway-llapa. Chaypita guerucunata apaycamushpayqui Templuta yapay jatarachiy. Templuta jatarachiptiqui nogaga cushicushämi. Chaymi nogaga alabasha cashaj. Gamcunaga achcata ashirpis wallcallatami tarinqui. Wasiquicunaman churacushayquitapis Nogaga juc pücayllawanmi apacushaj. Chaynöga ¿imanirtaj rurashaj? Chaynöga rurashaj tiyanä Wasi pasaypa juchuchisha captinmi. Chaynöta ricaycarpis gamcunaga yarpachacurcaycanqui quiquiquipa cajcunallapämi.