Popular Bible Verses from ܪ̈ܗ݇ܘܿܡܝܐ 14

Share

ܡܲܠܟܘܼܬܵܐ ܕܐܲܠܵܗܵܐ ܠܹܐ ܝܠܵܗ̇ ܐ݇ܟ݂ܵܠܬܵܐ ܘܫܬܵܝܬܵܐ، ܐܝܼܢܵܐ ܙܲܕܝܼܩܘܼܬܵܐ، ܘܫܠܵܡܵܐ، ܘܚܲܕܘܼܬܵܐ ܒܪܘܼܚܵܐ ܕܩܘܼܕܫܵܐ. ܣܵܒܵܒ ܡ̇ܢ ܕܗܲܕܟ݂ܵܐ ܥܵܒܹܕ ܚܸܠܡܲܬ ܠܡܫܝܼܚܵܐ ܒܐܲܢܹܐ، ܩܒܝܼܠܵܐ ܝܠܹܗ ܒܝܲܕ ܐܲܠܵܗܵܐ ܘܫܦܝܼܪܵܐ ܝܠܹܗ ܩܵܕ݇ܡ ܒܢܲܝ̈ܢܵܫܵܐ.

ܣܵܒܵܒ ܐܸܢ ܚܵܝܲܚ ܠܡܵܪܝܵܐ ܒܸܬ ܚܵܝܲܚ، ܘܐܸܢ ܡܵܝܬܲܚ ܠܡܵܪܝܵܐ ܒܸܬ ܡܵܝܬܲܚ. ܗܲܕܟ݂ܵܐ، ܐܸܢ ܚܵܝܲܚ ܘܐܸܢ ܡܵܝܬܲܚ، ܕܡܵܪܝܵܐ ܝܘܲܚ.

ܒܘܼܬ ܐܵܗܵܐ ܬܵܒܥܲܚ ܠܡܸܢܕܝܼܵܢܹ̈ܐ ܕܥܵܒ݂ܕܝܼ ܫܠܵܡܵܐ ܘܡܸܢܕܝܼܵܢܹ̈ܐ ܕܒܵܢܝܼ ܚܲܕ ܠܗ̇ܘ ܐ݇ܚܹܪ݇ܢܵܐ.

ܒܘܼܬ ܐܵܗܵܐ ܠܵܐ ܕܵܝܢܲܚ ܚܲܕ ܠܗ̇ܘ ܐ݇ܚܹܪ݇ܢܵܐ، ܐܸܠܵܐ ܟܠ ܚܲܕ ܬܲܚܡܸܢ ܕܠܵܐ ܡܲܬܸܒ݂ ܡܸܢܕܝܼ ܕܗܵܘܹܐ ܬܲܪܩܲܠܬܵܐ ܝܲܢ ܥܵܒܹܕ ܠܐܲܚܘܿܢܘܼܗܝ ܕܢܵܦܹܠ.

ܐܲܝܟ݂ ܕܝܼܠܹܗ ܟܬܝܼܒ݂ܵܐ: ܕܵܐܟ݂ܝܼ ܕܐܵܢܵܐ ܚܵܝܵܐ ܝܘܸܢ، ܒܹܐܡܵܪܵܐ ܝܠܹܗ ܡܵܪܝܵܐ، ܟܠ ܒܘܼܪܟܵܐ ܒܸܬ ܒܵܪܟܵܐ ܐܸܠܝܼ، ܘܟܠ ܠܸܫܵܢܵܐ ܒܸܬ ܡܵܘܕܹܐ ܒܐܲܠܵܗܵܐ. ܗܲܕܟ݂ܵܐ ܟܠ ܚܲܕ ܡܸܢܲܢ ܒܸܬ ܝܲܗ݇ܒܸܠ ܓ̰ܘܼܘܵܒ ܒܘܼܬ ܓܵܢܹܗ ܠܐܲܠܵܗܵܐ.

ܩܲܒܠܘܼܢ ܠܗ̇ܘ ܕܝܼܠܹܗ ܙܲܒܘܼܢ ܒܗܲܝܡܵܢܘܼܬܵܐ، ܠܵܐ ܒܕܝܵܢܬܵܐ ܕܚܘܼܫܵܒܹ̈ܐ.

ܡܵܢܝܼ ܝܘܸܬ ܐܲܢ݇ܬ ܕܕܵܝܢܹܬ ܠܪܹܓܵܐ ܕܚܲܕ ܐ݇ܚܹܪ݇ܢܵܐ؟ ܐܸܢ ܨܦܵܝܝܼ ܝܠܹܗ، ܩܵܐ ܡܵܪܹܗ ܝܠܹܗ ܨܦܵܝܝܼ؛ ܘܐܸܢ ܚܸܪܒܵܐ ܝܠܹܗ، ܩܵܐ ܡܵܪܹܗ ܝܠܹܗ ܚܸܪܒܵܐ. ܒܸܬ ܗܵܘܹܐ ܨܦܵܝܝܼ ܣܵܒܵܒ ܡܵܪܲܢ ܒܸܬ ܥܵܒܹܕ ܠܹܗ ܨܦܵܝܝܼ.