Popular Bible Verses from ܡܬܠ̈ܐ 16

Share

ܣܲܦܝܼ ܠܗܘܿܢ ܠܡܵܪܝܵܐ ܥܒ݂ܵܕܘܼ̈ܟ݂، ܘܒܸܬ ܦܵܝܫܝܼ ܡܘܼܩܘܝܼܹܐ ܚܘܼܫܵܒ݂ܘܼ̈ܟ݂.

ܠܸܒܵܐ ܕܒܲܪܢܵܫܵܐ ܟܹܐ ܬܲܚܡܸܢ ܐܘܼܪܚܹܗ، ܐܝܼܢܵܐ ܡܵܪܝܵܐ ܟܹܐ ܡܲܩܘܹܐ ܦܵܣܘܿܥܬܹܗ.

ܕܵܘܒܵܐ ܕܕܸܒ݂ܫܵܐ ܝܢܵܐ ܗܹܡܸܙܡܵܢܹ̈ܐ ܒܲܣܝܼܡܹ̈ܐ، ܚܸܠܝܵܐ ܠܓܵܢܵܐ ܘܒܵܣܲܡܬܵܐ ܠܓܲܪ̈ܡܹܐ.

ܡ̣ܢ ܒܲܪܢܵܫܵܐ ܝܢܵܐ ܡܲܪ̈ܝܲܙܝܵܬܹܐ ܕܠܸܒܵܐ، ܐܝܼܢܵܐ ܡ̣ܢ ܡܵܪܝܵܐ ܝܠܵܗ̇ ܓ̰ܵܘܲܒܬܵܐ ܕܠܸܫܵܢܵܐ.

ܒܹܐܢܹܗ ܝܲܪܝܼܟ݂ܬܵܐ ܒܘܼܫ ܨܦܵܝܝܼ ܝܠܹܗ ܡ̣ܢ ܓܲܢ݇ܒܵܪܵܐ، ܘܗܲܟܡܵܢܵܐ ܥܲܠ ܪܘܼܚܹܗ ܡ̣ܢ ܗ̇ܘ ܕܕܵܒܹܩ ܡܕܝܼܢ݇ܬܵܐ.

ܡ̣ܢ ܩܵܕ݇ܡ ܬܒ݂ܵܪܵܐ ܐܝܼܬ ܫܘܼܒ݂ܗܵܪܵܐ، ܘܡܩܵܕ݇ܡ ܬܘܼܪܩܵܠܵܐ ܪܵܡܘܼܬܵܐ ܕܪܘܼܚܵܐ.

ܟܠܲܝܗܝ ܐܘܼܪ̈ܚܵܬܹܐ ܕܐ݇ܢܵܫܵܐ ܕܸܟ݂ܝܹ̈ܐ ܝܢܵܐ ܒܥܲܝܢܹ̈ܐ ܕܓܵܢܹܗ، ܐܝܼܢܵܐ ܡܵܪܝܵܐ ܝܠܹܗ ܕܟܹܐ ܬܵܩܹܠ ܪܸ̈ܥܝܵܢܹܐ.

ܦܲܪܡܝܼܵܢܵܐ ܕܚܲܒܪܵܐ ܟܹܐ ܡܲܫ݇ܟ̰ܸܚ ܛܵܒ݂ܬܵܐ، ܘܛܘܼܒ݂ܵܐ ܠܗ̇ܘ ܕܣܵܒܹܪ ܒܡܵܪܝܵܐ.

ܛܵܒ݂ܵܐ ܝܠܹܗ ܚܲܕ݇ܟ̰ܵܐ ܐܝܼܢܵܐ ܒܙܲܕܝܼܩܘܼܬܵܐ، ܡ̣ܢ ܦܸܪܝܘܼܬܵܐ ܕܩܢܵܝܵܬܹ̈ܐ ܒܠܵܐ ܗܵܩܘܼܬܵܐ.

ܐܝܼܬ ܐܘܼܪܚܵܐ ܕܟܹܐ ܡܲܒܝܸܢܵܐ ܬܪܘܼܨܬܵܐ ܩܵܕ݇ܡ ܐ݇ܢܵܫܵܐ، ܐܝܼܢܵܐ ܚܲܪܬܘܼܗ̇ ܡܵܘܬܵܐ ܝܠܵܗ̇.

ܐ݇ܢܵܫܵܐ ܦܟ̰ܝܼܠܵܐ ܟܹܐ ܕܵܪܹܐ ܡܲܩܲܪܵܨܘܼܬܵܐ، ܘܦܲܛܦܸܛܵܢܵܐ ܟܹܐ ܦܵܪܹܫ ܠܗܘܿܢ ܪ̈ܵܚܡܹܐ ܡܸܚܕܵܕܹ̈ܐ.