Popular Bible Verses from ܡܬܠ̈ܐ 1

Share

ܙܕܘܼܥܬܵܐ ܕܡܵܪܝܵܐ ܪܹܫܵܐ ܕܝ݇ܕܲܥܬܵܐ ܝܠܵܗ̇، ܚܸܟ݂ܡܬܵܐ ܘܡܲܪܕܘܼܬܵܐ ܣܲܟ݂ܠܹ̈ܐ ܟܹܐ ܡܲܣܠܝܼ. ܫܡܸܥ، ܒܪܘܿܢܝܼ، ܡܲܪܕܘܼܬܵܐ ܕܒܵܒܘܼܟ݂، ܘܠܵܐ ܡܲܚܦܸܠܸܬ ܢܵܡܘܿܣܵܐ ܕܝܸܡܘܼܟ݂.

ܣܵܒܵܒ ܩܠܵܒܬܵܐ ܕܦܫܝܼ̈ܛܹܐ ܒܸܬ ܩܵܛܠܵܐ ܠܗܘܿܢ، ܘܫܸܠܝܘܼܬܵܐ ܕܐܲܗܡܲܩܹ̈ܐ ܒܸܬ ܛܵܠܩܵܐ ܠܗܘܿܢ. ܐܝܼܢܵܐ ܗ̇ܘ ܕܫܵܡܹܥ ܐܸܠܝܼ ܒܸܬ ܫܵܪܹܐ ܒܐܲܡܝܼܢܵܝܘܼܬܵܐ، ܘܒܸܬ ܗܵܘܹܐ ܪܸܚܩܵܐ ܡ̣ܢ ܙܕܘܼܥܬܵܐ ܕܒܝܼܫܬܵܐ.“

ܫܵܡܹܥ ܚܲܟܝܼܡܵܐ ܘܡܲܙܝܸܕ ܝܘܼܠܦܵܢܵܐ، ܘܦܲܪܡܝܼܵܢܵܐ ܩܵܢܹܐ ܡܗܲܕܝܵܢܘܼܬܵܐ،

ܒܪܘܿܢܝܼ، ܐܸܢ ܫܲܕܠܝܼ ܠܘܼܟ݂ ܚܲܛܵܝܹ̈ܐ، ܠܵܐ ܗܵܘܹܝܬ ܪܵܙܝܼ.

ܡܲܬܠܹ̈ܐ ܕܫܠܹܝܡܘܿܢ ܒܪܘܿܢܵܐ ܕܕܵܘܝܼܕ، ܡܲܠܟܵܐ ܕܝܼܣܪܵܝܹܠ: ܠܝܼܕܵܥܵܐ ܚܸܟ݂ܡܬܵܐ ܘܡܲܪܕܘܼܬܵܐ، ܠܦܲܪܡܘܼܝܹܐ ܗܹܡܸܙܡܵܢܹ̈ܐ ܕܣܘܼܟܵܠܵܐ، ܠܩܲܒܘܼܠܹܐ ܡܲܪܕܘܼܬܵܐ ܩܵܐ ܦܲܪܡܵܝܬܵܐ، ܙܲܕܝܼܩܘܼܬܵܐ، ܘܕܝܼܘܵܢ، ܘܬܪܘܼܨܘܼܬܵܐ، ܠܝܼܵܗ݇ܒ݂ܵܐ ܠܦܫܝܼܛܹ̈ܐ ܝܵܕܘܿܥܘܼܬܵܐ، ܠܥܠܲܝܡܹ̈ܐ ܝ݇ܕܲܥܬܵܐ ܘܬܲܚܡܲܢܬܵܐ.

ܗ̇ܝܓܵܗ ܒܸܬ ܩܵܪܝܼ ܠܝܼ، ܐܝܼܢܵܐ ܠܹܐ ܓ̰ܲܘܸܒܸܢ، ܒܸܬ ܛܵܥܝܼ ܐܸܠܝܼ، ܐܝܼܢܵܐ ܠܹܐ ܡܲܫ݇ܟ̰ܚܝܼ ܠܝܼ، ܣܵܒܵܒ ܣܢܹܐ ܠܗܘܿܢ ܝ݇ܕܲܥܬܵܐ، ܘܙܕܘܼܥܬܵܐ ܕܡܵܪܝܵܐ ܠܵܐ ܓܘܼܒܹܐ ܠܗܘܿܢ.