Popular Bible Verses from ܩܘܗܠܬ 9

Share

ܟܠ ܕܡܲܫ݇ܟ̰ܚܵܐ ܐܝܼܕܘܼܟ݂ ܠܸܥܒ݂ܵܕܵܐ، ܒܟܠܹܗ ܚܲܝܠܘܼܟ݂ ܥܒ݂ܘܿܕ ܠܹܗ، ܣܵܒܵܒ ܠܲܝܬ ܦܘܼܠܚܵܢܵܐ ܘܚܸܫܒܘܼܢܵܐ ܘܝ݇ܕܲܥܬܵܐ ܘܚܸܟ݂ܡܬܵܐ ܒܫܝܘܿܠ ܐܲܝܟܵܐ ܕܐܲܢ݇ܬ ܒܹܐܙܵܠܵܐ ܝܘܸܬ.

ܕܝܼܪܝܼ ܘܚܙܹܐ ܠܝܼ ܬܚܘܿܬ ܫܸܡܫܵܐ، ܕܠܹܐ ܝܠܹܗ ܠܩܲܠܘܼ̈ܠܹܐ ܪܲܗܛܵܐ، ܘܠܵܐ ܠܓܲܢ݇ܒܵܪܹ̈ܐ ܦܠܵܫܵܐ، ܘܐܘܼܦ ܠܵܐ ܠܚܲܟܝܼܡܹ̈ܐ ܠܲܚܡܵܐ، ܘܐܘܼܦ ܠܵܐ ܠܦܲܪ̈ܡܝܼܵܢܹܐ ܥܘܼܬܪܵܐ، ܘܐܘܼܦ ܠܵܐ ܠܝܵܕܥܵܢܹ̈ܐ ܫܵܦܵܩܲܬ، ܐܸܠܵܐ ܙܲܒ݂ܢܵܐ ܘܩܵܘܲܡܬܵܐ ܟܹܐ ܬܵܦܹܩ ܒܟܠܲܝܗܝ.

ܡܲܒܣܸܡ ܒܚܲܝܘܼ̈ܟ݂ ܥܲܡ ܒܲܟ݂ܬܵܐ ܕܡܘܼܚܸܒ ܠܘܼܟ݂، ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܟ݂ ܣܪ̈ܝܼܩܹܐ ܕܝܘܼܗ݇ܒܸܠ ܠܹܗ ܐܸܠܘܼܟ݂ ܐܲܠܵܗܵܐ ܬܚܘܿܬ ܫܸܡܫܵܐ، ܣܵܒܵܒ ܗ̇ܝ ܝܼܠܵܗ̇ ܣܵܗܡܘܼܟ݂ ܒܚܲܝܘܼ̈ܟ݂ ܘܒܥܲܡܠܘܼܟ݂ ܕܐܲܢ݇ܬ ܒܸܥܒ݂ܵܕܵܐ ܝܘܸܬ ܬܚܘܿܬ ܫܸܡܫܵܐ.

ܙܹܠ݇ ܐ݇ܟ݂ܘܿܠ ܒܚܲܕܘܼܬܵܐ ܠܲܚܡܘܼܟ݂، ܘܫܬܝܼ ܒܠܸܒܵܐ ܦܨܝܼܚܵܐ ܚܲܡܪܘܼܟ݂، ܣܵܒܵܒ ܡ̣ܢ ܓ̰ܲܠܕܹܐ ܒܣܝܼܡ ܠܵܗ̇ ܠܹܗ ܐܲܠܵܗܵܐ ܒܦܘܼܠܚܵܢܘܼ̈ܟ݂.

ܒܘܼܫ ܨܦܵܝܝܼ ܝܠܵܗ̇ ܚܸܟ݂ܡܬܵܐ ܡ̣ܢ ܙܲܝܢܹ̈ܐ ܕܦܠܵܫܵܐ، ܐܝܼܢܵܐ ܚܲܕ ܚܲܛܵܝܵܐ ܟܹܐ ܛܵܠܹܩ ܪܵܒܵܐ ܛܵܒ݂ܬܵܐ.

ܗܹܡܸܙܡܵܢܹ̈ܐ ܕܚܲܟܝܼܡܹ̈ܐ ܒܫܸܠܝܘܼܬܵܐ ܒܘܼܫ ܨܦܵܝܝܼ ܝܢܵܐ ܕܦܵܝܫܝܼ ܫܡܝܼܥܹܐ ܡ̣ܢ ܡܲܩܘܲܚܬܵܐ ܕܗ̇ܘ ܕܗܲܟܸܡ ܒܣܲܟ݂ܠܹ̈ܐ.

ܣܵܒܵܒ ܚܵܝܹ̈ܐ ܟܹܐ ܝܵܕܥܝܼ ܕܒܸܬ ܡܵܝܬܝܼ، ܐܝܼܢܵܐ ܡܝܼܬܹ̈ܐ ܠܹܐ ܝܵܕܥܝܼ ܡܸܢܕܝܼ، ܘܠܲܝܬ ܡܸܢܕܪܸܫ ܐܸܠܲܝܗܝ ܦܘܼܪܥܵܢܵܐ، ܣܵܒܵܒ ܦܝܼܫ ܠܹܗ ܢܸܫܝܵܐ ܕܟ݂ܵܪܲܝܗܝ.