Popular Bible Verses from ܕܢܝܐܝܠ 8

Share

ܘܒܸܬ ܙܲܪܒܸܢ ܚܲܝܠܹܗ، ܐܝܼܢܵܐ ܠܵܐ ܒܚܲܝܠܵܐ ܕܓܵܢܹܗ، ܘܒܥܵܓ̰ܸܒܘܼܬܵܐ ܒܸܬ ܡܲܚܪܸܒ݂، ܘܒܸܬ ܡܲܢܬܹܐ، ܘܒܸܬ ܬܲܡܸܡ، ܘܒܸܬ ܡܲܚܪܸܒ݂ ܙܲܪ̈ܒܵܢܹܐ ܘܥܲܡܵܐ ܕܩܲܕܝܼܫܹ̈ܐ. ܘܒܨܢܝܼܥܘܼܬܹܗ ܒܸܬ ܥܵܒܹܕ ܕܡܲܢܬܹܐ ܦܸܠܡܵܐ ܒܐܝܼܕܹܗ، ܘܒܠܸܒܹܗ ܒܸܬ ܓܲܪܘܸܣ ܠܵܗ̇ ܓܵܢܹܗ، ܘܓܵܘ ܫܸܠܝܘܼܬܵܐ ܒܸܬ ܡܲܚܪܸܒ݂ ܪܵܒܵܐ، ܘܥܲܠ ܪܹܫܵܐ ܕܪܹ̈ܫܵܢܹܐ ܒܸܬ ܩܵܐܹܡ، ܐܝܼܢܵܐ ܒܠܵܐ ܕܩܵܪܬܵܐ ܕܐܝܼܕܵܐ ܒܸܬ ܦܵܐܹܫ ܬܒ݂ܝܼܪܵܐ.

ܘܐ݇ܡܝܼܪܹܗ، ”ܗܵܐ، ܡܲܕܘܼܥܘܼܟ݂ ܝܼܘܸܢ ܡܸܢܕܝܼ ܕܒܸܬ ܗܵܘܹܐ ܒܚܲܪܬܵܐ ܕܟܲܪܒܵܐ، ܣܵܒܵܒ ܠܥܕܵܢܵܐ ܪܫܝܼܡܬܵܐ ܕܚܲܪܬܵܐ ܕܙܲܒ݂ܢܹ̈ܐ ܝܠܹܗ. ܒܲܪܥܵܢܵܐ ܡܵܪܹܐ ܬܲܪܬܹܝ ܩܵܪ̈݇ܢܵܢܹܐ ܕܚܙܹܐ ܠܘܼܟ݂، ܡܲܠܟܹ̈ܐ ܕܡܵܕܵܝ ܘܦܵܪܸܣ ܝܼܢܵܐ. ܘܢܹܐܪܝܼܵܐ ܣܲܥܪܵܢܵܐ، ܡܲܠܟܵܐ ܕܝܵܘܵܢ ܝܼܠܹܗ، ܘܩܵܪ݇ܢܵܐ ܓܘܼܪܬܵܐ ܕܒܹܝܠ ܥܲܝܢܘܼ̈ܗܝ، ܗ̇ܘ ܝܼܠܹܗ ܡܲܠܟܵܐ ܩܵܕ݇ܡܵܝܵܐ.