Popular Bible Verses from Romanyon 8

Share

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

Rag surhes ov, nag ankow, na bewnans, nag eledh, na prynsipatys, na taklow eus lemmyn, na taklow a dheu, na nerthow, nag ughelder, na downder, na tra arall y'n kreasyon oll, ny yll agan diberth dhiworth kerensa Duw yn Krist Yesu agan Arloedh.

Ynwedh an Spyrys a'gan gweres yn agan gwannder, rag ny wodhon fatell byssyn dell dhegoedh, mes an Spyrys y honan a bys ragon gans kyni dres leverel.

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Lemmyn nyns eus dampnya rag an re usi yn Krist Yesu.

Rag brys an kig yw mernans, mes brys an Spyrys yw bewnans ha kres.

Mes yn oll an taklow ma moy es tryghoryon on dredho ev neb a'gan kara.

My a dyb na dal galarow an termyn ma bos kehaval dhe'n golewder usi ow tos dhe vos diskwedhys dhyn.

Piw a'gan diberth dhiworth kerensa Krist? A wra galar, po anken, po helghya, po esow, po noethedh, po peryll, po kledha?

Hag ev neb usi ow hwithra kolonnow a woer an pyth usi yn brys an Spyrys, rag ev dhe bysi a-barth an syns herwydh bodh Duw.

Rag myns a hembrenkir gans Spyrys Duw mebyon Duw yth yns.

Rag an re a vew war-lergh an kig a wra fors a daklow an kig, mes an re a vew war-lergh an Spyrys a wra fors a daklow an Spyrys.

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

An Spyrys y honan a dheg dustuni gans agan spyrys ni, ni dhe vos fleghes Duw, ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

Yndella an brys a wra fors a'n kig, yw eskarogeth erbynn Duw; nyns yw gostyth dhe lagha Duw, yn hwir ny yll bos yndella

Rag an kreasyon a wayt gans mall an diskwedhyans a vebyon Duw.

Ni a woer an kreasyon oll dhe vos ow kyni hag ow suffra paynys warbarth kepar hag yn gwelivos bys lemmyn